Daniyeli 5:7 - Mazu Otchena a Mulungu

⁷ Evale mwenole oharumaga atu mokuwa eraga: <<Kabaranyani tchineneva, mwaadowele aliba ing'ana jomoneya ja zulu, aBabiloniya owonga ja sogolro, na aliba visangwisangwi!>> Evale aliwa kagadoweliwe, mwenole ohawandelaga aliba toto a Babiloniya ale eraga: <<Mutu wenne unawande ileri yenno ilrembiwe va eto awanda diwandela yotapulela iwa, unowarihiwa jowara ja usalru wa kore ya musuzu wa bwanda, agali usalru wa peresu yokwima eto unowarihiwa kolare wa oru munikohini mwaye eto unokala mundimuwa waneraru muumweneni mwaga.>>

Daniyeli 5:7 Iomraidhean Croise

Jenesesi 41:8

Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

Ezodu 7:11

Eto Farawu agaonne enne, na liyene ohaitana ang'anga okwima. Muwari mwa ang'anga okwima ale, amohiwa kali oiziwa mirombwe, amohiwa kali aliba lowa a muIjipitu mule. Kagazile, na aliwene kohosakanya jimohive muwari mwa masenga ewa.

Izaiya 47:13

Zelru didjindji davwa we dihimala uwaheyiha. Ale kauvahetcha zelru kaze peno, kauvulumutche. Kaze ale anafundja ja zulu eto anaing'ana nyenyedi anno anawonga malambo a mwedi muxa kauwandelaga jinafuna uireyela.

Daniyeli 1:20

Fendo datene mwene afuka liye zela yengo ili yatene yafuneya ira ilabiwena zelru nari iziwetchetcha, mwenole ofiyeda ona ira atu annayi ale kohokana toto didjindji akwaranya ang'anga okwima atene na aliba visangwisangwi atene kafwanyeya muumweneni mwaye.

Daniyeli 1:4

azombwe ohokana yotakala ili yatene, maningo ewa matene, azombwe oriya, ofundjetchetcha, oiziwetchetcha, oonelramo na a toto, ofwanela kala na miyo palasiyoni waga. Aliwa kafundjihiwe wonga no lremba uwa wene iwongelo ya aBabiloniya.>>

Daniyeli 2:2

Mwa enne liye ohaitanaga ang'anga okwima, aliba visangwisangwi, aliba lowa na aBabiloniya owonga ja sogolro ira kaze kamuwandele mwene joroha jaye. Evale aliwa kohozaga, aliwa fiya vamentoni va mwene Nabukodonozore.

Daniyeli 2:27

Daniyeli ohowakulaga, liye ira: <<Kalivo unawanda wonga yengo yokoyeya nnga munafuna nyo so mwene. Nne atu okana toto, nne aliba visangwisangwi, nne ang'anga okwima nne aliba ing'ana jomoneya ja zulu!

Daniyeli 2:48

Noira enne, mwene ohomuulukulihaga Daniyeli na makalelo ohokala a masika, anvahaga mivaho didjindji dene. Eto ohomuhambiha liye kala governadore wa porovinsiya yatene ya Babiloniya eto ira akale musogolrelri wa aliba toto atene a Babiloniya.

Daniyeli 2:6

Mbwenye mwadiwandelamo irohile miyo, amala mudiwandelamo yotapulela iwa, miyo nnouvahani jengo jidjindji, jotambilra no teteliwa wohokala wa masika. Nona inafwanela mudiwandelemo yenno irohile miyo vamohi na yotapuleliwa.>>

Daniyeli 4:14

Liye azaga okuwaga eraga: <Nnafuna mugwihe mutengoyo, amala mutaze tambi daye do, muvaretche matakuru anafwanyeyana liye eto mutikinyemo ira jovaha jatene jinna liye jimoremo. Eto anavinyama a mukokolani anafwanyeya vati va mutengoyo kabalaleyevo eto mbalrame nnafwanyeya mutambini muwa dikumemo.

Daniyeli 5:11

Mwasiwa muumweneni mwenyu ukalamo mulombwana mmohi unna munemba wa amilugu otchena. Eto liyene tempu yatongetcha babinyu Nabukodonozore, mulombwanoyo ooneya nnga mutu ozaleliwa wareya na toto, no iziwetchetcha, nnga iziwetchetcha wa amilugu. Eto babinyu, mwene Nabukodonozore ohowanda muhambiha liye kala mundimuwa wa ang'anga okwima, aliba ing'ana jomoneya ja zulu, aBabiloniya owonga ja sogolro, aliba visangwisangwi.

Daniyeli 5:15

Miyo dohaitaniha aliba toto, aliba visangwisangwi ira kawande ileri jejo jilrembiwe eto kadiwandele yotapulela iwa. Mbwenye aliwa kagazile, nne mmohi kalivo uwandile tapulela mazu kalrembiwe ale.

Daniyeli 5:16

Miyo dihivwa zela weyo ira unowanda tapulela jengo eto unowanda maliha jofuka jinakana atu. Mbwenye tchineneva eni miyo nnauwandela ira weyo wawanda ileri yenno ilrembiwe va eto uwanda tapulela, unowarihiwa jowara ja usalru wa kore ya musuzu wa bwanda, jagali jowara ja peresu yokwima eto unowarihiwa kolare wa oru munikohini mwawo. Eto unokala mundimuwa waneraru muumweneni mwaga.>>

Daniyeli 5:29

Mwa enne mwene Belisazare agavwile enne, oharuma anamalabaye, aliwa muwariha mulombwana Daniyeli jowara ja usalru wa kore ya musuzu wa bwanda, agali jowara ja peresu yokwima eto kohomuwarihaga kolare wa oru nkohini mwaye. Eto mwenole ohonvaha mulombwana Daniyeli ira akale mundimuwa waneraru muumweneni mwaye.

1 Samuweli 17:25

<<Alombwana, munomuona mulombwanole?! Liye uhuza nipokiha hiyo aIzarayeli. Mutu wenne unampe mulombwana wenne, mwene Sawuli unonvaha jorayela eto unonvaha mwanaye ira amutele. Eto abalaye atene a babaye, kiza kasokiwaga misoko.>>