Daniyeli 5:23 - Mazu Otchena a Mulungu

²³ Eto nyo muhuirana jompokiha Nabwiya wa zulu. Mwasiwa mohowanda zihavo jengo jalabetcha muNyumbani mwaye, noira eno nyo vamohi na andimuwa enyu atene, ahiyaninyu na amwendinyu, nyo tukula, roma ng'welagamo vinyu! Eto hiya yenno bahi, nyo muhutamalela amilugu enyu a parata na oru, a mukuwa, momba, mitengo na amilugu a mabwe, anno kahanaona, kahanavwa nne kahaiziwile yengo ili yatene. Nyo kamufunile muriheda Mulugu wenno uwandile uvahani mwelra ira muvumege, Mulugu wenno unaukoyani mowenda mwinyu mwatene.

Daniyeli 5:23 Iomraidhean Croise

Jenesesi 14:19

Aganvahile, Melikezedeki ohomureliha Abaramu eraga: <<Mulugu Okwaranya Jatene, Mwinnya wa ilambo ya zulu na ilambo ya vati aurelihe we Abaramu.

Jenesesi 2:7

Evale Yehova Mulugu ohomuwomba mulombwana na teya. Liye nvuzela na mwelra mpunoni, nvaha ingumi. Mwa enne mutule ohoroma kala yengo ya ingumi.

2 Amwene 14:10

Tchi imohive na weyo. Tchoira weyo wahaporotcha akuda Edomu, nona uhuroma vitukulela mmirimani mwawo. Inafwanela uhagalalege na undimuwa unna we vande vawo. Kodi mwasiwa gwa nni we funaga jovizelena ubure weyo vamohi na atwawo a Juda?>>

Izaiya 13:11

Yehova unawonga ira: <<Miyo nnoza daaonihe goyi atu a ilambo ya vati na mwasa wa jotakala jiwa. Nnoza daaonihe goyi atu otakala na mwasa wa jotega jiwa. Nnoza dimalihe jingari wa aliba vitukulela eto nnoza dititihe vitetela wa atu a uwali.

Izaiya 14:13

Weyo wawongetcha na mmirimani mwawo ira: <Nnafuna digwele zulu, dagarati mpando waga wa umwene vazulu va nyenyedi da Mulugu. Nnoza dikale vampandoni zulu. Nnoza digarati mwangoni unagumana anamwindji, pandi ya norti.

Izaiya 2:12

Tchoira Yehova wa Makuru Matene ukana siku naye, ti siku nnafuna liye atitiha atu atene ovitukulela eto ogwela, vamohi na atu ovitetela na atu atene ojingari.

Izaiya 33:10

Yehova unawonga ira: <<Veva eni miyo nnovenya. Veva eni nnafuna diirena yengo. Veva eni nnafuna diteteliwe.

Izaiya 37:19

Eto kohatatilela amilugu a aliba gondjihiwa munloni, tchoira tchali amilugu, mbwenye jali josakanyiwa na manda a atu, jagali ja mitengo na ja mabwe. Nona aliwa kohowanda atolotcha.

Izaiya 37:23

Kodi umpokihile ani eto umululuvihile ani? Kodi uhumuiziwa wenno wamukuwela we na mazu ogwela na wenno wamuing'aniheda we meso awo zulu? Jatene ejo wadiirela miyo Mulugu Otchena wa Izarayeli.

Izaiya 42:5

Mulugu gu Yehova wenno upandutchile jatene jili zulu, liye tandaga zulu. Liye eto ohotanda ilambo ya vati na jatene jinafwanyeya emo. Liye ohavaha yovuma atu anakala mwilamboni muno. Liye ohovaha ingumi jatene jinawenda emo. Liye unawonga na namalabaye ira:

Daniyeli 11:12

Anamwindji ale kagagondjihiwe, mwene wa suli unoza avitukulelege eto unoapa anyakondo adjindji a norti. Mbwenye agaapile amwidani pwi, kopolo daye eto kannasusa.

Daniyeli 4:37

Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!

Daniyeli 8:11

Na ibaribari nnyanga nne nohoviulukulihaga fiyeda jofuna lingana na musogolrelri wa nikuru na zulu nne. Nnyanga nne nohomaliha mikuto dotumeya da malambo matene daveleliwetcha wa musogolrelri ule eto nohokarakasulaga nimburo naye notchena.

Joira ja Anamarumiwa 17:25

Mulugu wa ibaribari kanakamihediwa na atu. Mwasiwa kilivo yengo imuhalenle. Mulugu eto gunanivaha hiyo ingumi no vuma eto na jengo jatene.

1 Korinto 8:4

Zela nkani odja jengo jokuteliwa ikwamutu yosema, hiyo nihimala iziwa ira ikwamutu yosema kahi yengo yokalawo, mbwenye uliwo gu Mulugu mmohi wa ibaribari bahi.

1 Timoteyo 3:6

Vamohive vevo kakale mutu umuroromenle Yesu tchineneva tawiha ira unadowege liye, unerege vitukulela moviona ira kahi wa masika. Aira eno, ugwana mulandu mmohive Diyabo agwilena liye.

Eberewu 4:13

Mwa jatene jejo jipandutchiwe, kilivo yengo ili yokoyeya vamentoni va Mulugu. Mbwenye jatene jili vaheno vene, jatene jinnana oniwa na wenno unafuna hiyo za muwandelagamo jatene jiirile hiyo.

Jowandeliwa 9:20

Eto atu amohiwa ohala anno kahapiwe na jengo taru jabure jile, masiki kagaonneve makalelo owopiha ale, aliwa kagahanle tchawandile twaruwa zela jengo jabure jairana atu. Kohokalelave tamalelaga minemba dabure na vikwamutu josema josakanyiwa na oru na parata na mukuwa na mabwe na jimiri, jengo johowanda ona nne vwa nne wenda, aliwa aya tamalelaga ejo.

Anamasogolrelra 16:23

Noira eno, amwene a aFilistewu ale kohogumanelaga ira kavelele mukuto mundimuwa wa mulugu wewa Dagomi eto ira kahagalale, aliwa roma wonga keraga: <<Dagomi mulugu wehu uhunivaheda mwidanihu Samisawu mmandani mwihu.>>

1 Samuweli 17:26

Mwa enne Davi ohafukaga alombwana aawandamenlege liye, eraga: <<Kodi mutu wenne unampe nFilistewu ule, amaliha manyazo anna hiyo aIzarayeli, unavahiwa nni? Kodi nFilistewu mutu ohoineliwa nnga wenna bani ira liye aze apokihege na makalelo anna nikuru na anyakondo a Mulugu Okalawo?>>

1 Samuweli 17:36

Miyo namalaba wenyu, dahaapa apodogoma na aurusu. Eto nnafuna dimusakanye na makalelo amohive nFilistewu ule, mutu ohoineliwa, mwasiwa liye upokihile nikuru na anyakondo a Mulugu Okalawo.