Daniyeli 5:22 - Mazu Otchena a Mulungu

²² Daniyeli ohowongagave eraga: <<Eto nyo mwanaye so mwene Belisazare, mwagaiziwileve jatene jejo kamufunile viyeviha.

Daniyeli 5:22 Iomraidhean Croise

Ezodu 10:3

Mulombwana Mozeji na mbalaye Arawu kohovenya, aliwa dowa wa mwene Farawu. Kagafiyile, kohomuwandela ira: <<Yehova Mulugu wa aEberewu unawonga ira: <Kodi unaza uhiye alini vitukulela wawo vamentoni vaga? Waahiye atwaga ira kadowe kaditamalele!

Izaiya 13:11

Yehova unawonga ira: <<Miyo nnoza daaonihe goyi atu a ilambo ya vati na mwasa wa jotakala jiwa. Nnoza daaonihe goyi atu otakala na mwasa wa jotega jiwa. Nnoza dimalihe jingari wa aliba vitukulela eto nnoza dititihe vitetela wa atu a uwali.

Izaiya 14:13

Weyo wawongetcha na mmirimani mwawo ira: <Nnafuna digwele zulu, dagarati mpando waga wa umwene vazulu va nyenyedi da Mulugu. Nnoza dikale vampandoni zulu. Nnoza digarati mwangoni unagumana anamwindji, pandi ya norti.

Izaiya 26:10

Atu otakala masiki anaireliwave japama, aliwa kinafundja irana upama. Aliwa anerege irana jotakala muwari mwa ilambo yapama. Aliwa anoimwanana ona undimuwa wa Yehova.

Daniyeli 5:18

So mwene, Mulugu Okwaranya Jatene ohonvaha babinyu Nabukodonozore umwene na undimuwa na upama vamohi na kopolo.

Matewuji 21:32

Mwasiwa mulombwana Juwawu uhuza wa nyo awendaga na ndila ya ibaribari, nne kamufunile rumela jawonga liye. Mbwenye arumenle jowonga jaye ba anamasokiha misoko na aputa. Nyo mbwenye mwagaonne twaruwa wewa, kamufunile tchindja zelru denyu ira muwande rumela jawonga liye.>>

Lukaji 12:47

Namalaba wenne uiziwile yofuna ya patarawaye amala liye ahakozeyaga eto ahafunaga harihamo, unoonihiwa goyi ilukulu muwari mowaxuliwa.

Juwawu 13:17

Akala jiwongile miyo ji muhumala iziwa, orelihiwa gwenno unafuna iragana.>>

Tiyagu 4:17

Nona, wenno uiziwile ira ili yofwanela ira asakanye upama eto ahasakanyaga, unatega.

Tiyagu 4:6

Mulugu mbwenye wire kana sayi dilukulu. Nona mazu kawongaga ira: <<Mulugu unaaharahara atu ovitukulela mbwenye unokana sayi na atu oviyeviha.>>