Daniyeli 5:20 - Mazu Otchena a Mulungu

²⁰ Mbwenye agaromile vitukulela mmirimani mwaye eto aroma vanda murima muwari movititimiha, ohotitihiwa vampandoni eto ohowakiwa undimuwa wanna liye!

Daniyeli 5:20 Iomraidhean Croise

2 Amwene 17:14

Mbwenye Yehova agaawandenle enne aliwa tchafunne vwelela. Kohovanda mirima diwa nnga makalelo avandile mirima makolo ewa anno kahafunile muroromela Yehova Mulugu wewa.

Ezodu 18:11

Miyo peno dihikana ibaribari ira Yehova gwa kopolo dilukulu akwaranya amilugu atenene. Tchoira liye uhawombola atwaye mmandani mwa aIjipitu anno kaaireletcha makalelo ovitukulela.>>

Ezodu 9:17

Kodi weyo unnave vitukulela vamentoni va atwaga, we hafunagave ahiya atwaga ira kadowege?

Ezodu 9:7

Noira eno, Farawu oharumaga atu ira kadowe kaone wewo wafwanyeya aIzarayeli akala jifuwo jiwa johokwa. Aliwa funa dowa ule, kafwanyile ira jifuwo ja aIzarayeli kajakwile nne imohi. Mbwenye masikive eno Farawu murimaye afwanyeyave oummene. Liye kaahiyile aIzarayeli ira kadowege.

Izaiya 47:1

Yehova unawonga ira katita weyo namwali wa Babiloniya, weyo wahamuiziwile mulombwana, ukale vati vatumbulruni. We namwali mwana wa aKalidewu ukume vampandoni va umwene, ugarati vati. Mwasiwa kuza uromoliwagave mutu oriyetchetcha nne oteteliwa.

Daniyeli 11:36

<<Mwene wa norti ule unoza airena yenno inafunege liye. Liye unerege wonga movitukulela ira: <Eni miyo dili vazulu va amilugu atene.> Eto unerege wonga mazu abure zela Mulugu wa amilugu atene. Jatene jaye jinerege muwendela pama fiyeda Mulugu amutonge na uwali waye. Tchoira yenno ibalrile Mulugu inoireya.

Daniyeli 4:26

Eto zela yenno yawongiwe ira kahiye nigodo niwa na mitchitchi diwa dene da mutengole, ku wonga mwagamanle iziwa ira uhukalawo uli zulu unautongani, umwene wenyu unouwelelani.

Daniyeli 4:28

Jatene ejile johomuireyela mwene Nabukodonozore.

Daniyeli 4:37

Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!

Daniyeli 8:8

Mwa enne mbuzile yohokalave yolimbene na makalelo ohokala a masika. Mbwenye yagalive muwari mwa kopolo daye, nnyanga naye nlukulu nne nohokotoliwagavo. Eto vamalroni va nnyanga nimohi vale, vohomelaga manyanga mamohiwa mannayi olapa, anno kaulukula kalimbelaga pandi dannayi dene da ilambo.

Lukaji 18:14

Yesu ohomarihaga eraga: <<Miyo na ibaribari nnouwandelani ira mwa alombwana ambinli ale kadowaga vande, adowile agali wapamene vamentoni va Mulugu ali namasokiha misoko, hiya nfwayele. Mwasiwa ule unavitukulela, unoyevihiwa. Eto ule unaviyeviha, unotukuleliwa.>>

Eberewu 3:13

Mbwenye yapamiwa inafwanela kada mutu amukokomezege nfwaye malambo matene na tempu yenno inaitaniwa peno ira muwari mwa nyo ahakalevo mutu okana murima oumma na mwasa wa jonyenga jinafwanyeya muwari mwa jotega.

1 Samuweli 6:6

Mbwenye mwera mukale ovitukulela nnga jairile mwene Farawu na akuda Ijipitu afwaye, munotongiwa na makalelo abure kwaranya jionne nyo. Nyo kamudiwale ira Mulugu agaatongile aIjipitu, kohofiyeda ahiya aIzarayeli, aliwa dowaga.>>