Daniyeli 5:11 - Mazu Otchena a Mulungu

¹¹ Mwasiwa muumweneni mwenyu ukalamo mulombwana mmohi unna munemba wa amilugu otchena. Eto liyene tempu yatongetcha babinyu Nabukodonozore, mulombwanoyo ooneya nnga mutu ozaleliwa wareya na toto, no iziwetchetcha, nnga iziwetchetcha wa amilugu. Eto babinyu, mwene Nabukodonozore ohowanda muhambiha liye kala mundimuwa wa ang'anga okwima, aliba ing'ana jomoneya ja zulu, aBabiloniya owonga ja sogolro, aliba visangwisangwi.

Daniyeli 5:11 Iomraidhean Croise

Jenesesi 41:38

Evale Farawu ohowonga na anamalabaye eraga: <<Mwaonelramo, mwilamboni muno nnowanda nfwanya mulombwana ozaleliwa Munemba wa Mulugu nnga wenna? Miyo kannamuonamo.>>

2 Samuweli 14:17

Miyo eto daumbuwela ira: <Inafuna wonga mbwiyaga mwene, inodizeliha murendele.> Tchoira miyo dihiiziwa ira nyo mbwiyeni so mwene muli nnga mungelro wa Mulugu eto nyo munowanda iziwa upama na ubure. Yehova Mulugu wenyu akale na nyo.>>

Daniyeli 1:4

azombwe ohokana yotakala ili yatene, maningo ewa matene, azombwe oriya, ofundjetchetcha, oiziwetchetcha, oonelramo na a toto, ofwanela kala na miyo palasiyoni waga. Aliwa kafundjihiwe wonga no lremba uwa wene iwongelo ya aBabiloniya.>>

Daniyeli 2:11

Yengo inafuna nyo so mwene tchi yengo irutchile eto kaliwo unafuna uwandelani yoroha yenyu, ahali amilugu, anno kahanawenda na hiyo atu!>>

Daniyeli 2:22

Liye unowanda oneyiha jengo jorutcha na jengo jokoyeya. Liye uhumala iziwa jatene jinafwanyeya muisini eto liye tempu yatene unawenda no wareya!

Daniyeli 4:18

Evale Nabukodonozore ohomariha wonga eraga: <<Ila tchi yoroha danna miyo dagali mwene Nabukodonozore. Mbwenye weyo mulombwana Beltesazare nnafuna uwonge yotapulela ya yoroha yaga mwasiwa atu atene okana toto muumweneni mwaga kiwandile tapulela. Mbwenye weyo unowanda, mwasiwa munemba wa amilugu otchena uli muwari mwa weyo.>>

Daniyeli 4:5

Mwa enne dohorohaga. Yoroha yenne mbwenye yohodizelagana ova. Eto dagalive vakamani vaga, joumbuwela jaga na jejo jaonihiwaga miyo mmuruni mwaga johodikukumulaga.

Daniyeli 4:6

Na mwasa wenno dohokumiha nlamulo ira aliba toto atene a Babiloniya kaze ira kawande diwandela yotapulela ya yoroha yaga!

Daniyeli 5:14

Miyo nnovwetcha kawongaga zela weyo ira munemba wa amilugu uli na weyo eto nnovwetcha ira weyo unofwanyeyana wareya, iziwetchetcha, na zelru dohokala da masika.

Daniyeli 5:7

Evale mwenole oharumaga atu mokuwa eraga: <<Kabaranyani tchineneva, mwaadowele aliba ing'ana jomoneya ja zulu, aBabiloniya owonga ja sogolro, na aliba visangwisangwi!>> Evale aliwa kagadoweliwe, mwenole ohawandelaga aliba toto a Babiloniya ale eraga: <<Mutu wenne unawande ileri yenno ilrembiwe va eto awanda diwandela yotapulela iwa, unowarihiwa jowara ja usalru wa kore ya musuzu wa bwanda, agali usalru wa peresu yokwima eto unowarihiwa kolare wa oru munikohini mwaye eto unokala mundimuwa waneraru muumweneni mwaga.>>

Joira ja Anamarumiwa 12:22

Agaromile wonga, aliwa kohoromaga wonga mokuwa keraga: <<Wenna unawonga kahi mutu, gu mulugu mmohi!>>

Joira ja Anamarumiwa 14:11

Anamwindji ale kagaonne jairile Pawulo, kohoromaga kuwa na iwongelo ya wewule iLikoniya keraga: <<Amilugwihu peno kohotita, aliwa za na makalelo nnga hiyo atu.>>

Joira ja Anamarumiwa 16:16

Siku nimohi nidowaga nimburo neno nimohive nalobeletcha atu, nohongumanana mwana namwali eni anna munemba wabure omuwongiha jengo ja mitalre. Mwana namwali ule eto ali muzari. Ambwiyaye kompetchana kobiri dilukulu mwasiwa owonga jengo ja musogolro.

Jowandeliwa 3:9

<<Kaing'anani, miyo nnosakanya ira anno anafwanyeya kagali nyumba dofundjamo mazu da Satana, anno anaviitana aJudewu kahali, keraga nama, miyo nnosakanya ira aliwa kaze kakokore vamanyaloni venyu, kafiyedaga iziwa ira miyo duhuzivelani.