Daniyeli 4:8 - Mazu Otchena a Mulungu

⁸ Vogomiheda azilege vamentoni vaga ali mulombwana Daniyeli wenno unaitaniwa na nzina na Beltesazare nozela nzina na mulugu waga eto wenno unna munemba wa amilugu otchena. Liye agazile, miyo dohomuwandela yoroha yaga.

Daniyeli 4:8 Iomraidhean Croise

Jenesesi 41:38

Evale Farawu ohowonga na anamalabaye eraga: <<Mwaonelramo, mwilamboni muno nnowanda nfwanya mulombwana ozaleliwa Munemba wa Mulugu nnga wenna? Miyo kannamuonamo.>>

Izaiya 46:1

Muing'ane, mulugu wewa unaitaniwa Beli uhumala oramela vati eto mulugu wewa Nebo uhumala gwa. Vikwamutu josema ja akuda Babiloniya jili vaburuni eto vang'ombeni. Jeji jatukula nyo nyoka na manda moriheda, peno jinatukuliwa, kalaga mitolro donyemela vamitanani va anavinyama owaheya.

Izaiya 63:11

Mwa enne atwale kohoumbuwela zela malambo a mundulri, zela Mozeji vamohi na atu a tempu yaye, keraga: <<Kodi Yehova uli uvi, wenne aalambutchile atwaye Bara Yofila vamohi na anamakumbuza a mabilaye? Uli uvi Yehova wenne awandile hela Munemba Otchena waye muwari mwa aliwa?

Daniyeli 1:7

Mbwenye mundimuwa wa anamalaba atene a mwene Nabukodonozore ule ohavahaga mazina mamohiwa. Daniyeli ohonvaha nzina na Beltesazare, Ananiya liye nvaha nzina na Sadaraki, Mizayeli liye nvaha nzina na Mezaki eto Azariya liye nvaha nzina na Abedenego.

Daniyeli 2:11

Yengo inafuna nyo so mwene tchi yengo irutchile eto kaliwo unafuna uwandelani yoroha yenyu, ahali amilugu, anno kahanawenda na hiyo atu!>>

Daniyeli 2:26

Evale mwene Nabukodonozore ohonfukaga Daniyeli wenno aitaniwa na nzina na Beltesazare eraga: <<Kodi weyo unowanda diwandela yoroha yanna miyo vamohi na yotapulela iwa?>>

Daniyeli 3:14

Kagazile, mwene Nabukodonozore ohafuka eraga: <<Kodi na ibaribari we mulombwana Sadaraki, Mezaki, na Abedenego, nyo kamunafuna alaba amilugu aga, nne kamunafuna tamalela ikwamutu yosema ya oru yenno iimetchile miyo?

Daniyeli 4:18

Evale Nabukodonozore ohomariha wonga eraga: <<Ila tchi yoroha danna miyo dagali mwene Nabukodonozore. Mbwenye weyo mulombwana Beltesazare nnafuna uwonge yotapulela ya yoroha yaga mwasiwa atu atene okana toto muumweneni mwaga kiwandile tapulela. Mbwenye weyo unowanda, mwasiwa munemba wa amilugu otchena uli muwari mwa weyo.>>

Daniyeli 4:9

Miyo ira: <<Mulombwana Beltesazare weyo uli mundimuwa wa ang'anga okwima atene. Duitanne mwasiwa miyo dihiiziwa ira munemba wa amilugu otchena uli muwari mwa weyo eto kilivo yengo yokoyeya inaurutcha. Miyo nnafuna duwandelemo jengo jionihiwe miyo mmuruni mwaga muwari moroha ira uditapulele. Jengo jionihiwe miyo ti ji.

Daniyeli 5:14

Miyo nnovwetcha kawongaga zela weyo ira munemba wa amilugu uli na weyo eto nnovwetcha ira weyo unofwanyeyana wareya, iziwetchetcha, na zelru dohokala da masika.