Daniyeli 4:34 - Mazu Otchena a Mulungu

³⁴ Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa!

Daniyeli 4:34 Iomraidhean Croise

2 Samuweli 22:31

Ndila ya Mulugu tchi ndila yapama. Eto Mazu a Yehova bokwakwanela. Liye gu defeza para atu anne anatawela mwa liye.

1 Koronika 29:10

Na mwasa wenne, Davi ohomutamalela Yehova vamentoni va atu atene eraga: <<Otamaleliwa kala no kala akale nyo Yehova Mulugu wa nikolo nehu Izarayeli.

1 Koronika 29:13

Mwa eno, hiyo nnoutamalelani nyo Mulugu wehu eto nnoriheda nzina nenyu notitimihiwa.

Izaiya 13:11

Yehova unawonga ira: <<Miyo nnoza daaonihe goyi atu a ilambo ya vati na mwasa wa jotakala jiwa. Nnoza daaonihe goyi atu otakala na mwasa wa jotega jiwa. Nnoza dimalihe jingari wa aliba vitukulela eto nnoza dititihe vitetela wa atu a uwali.

Izaiya 2:11

Aliba jurungula anoza katitihiwe. Atu oziveliwa jovitukulela anoza kayevihiwe. Yehova eka gunafuna za teteliwa siku neno.

Izaiya 24:15

Na mwasa wenno nyo munakala makumelo wa nzuwa mmutitimihe Yehova. Nyo munakala tcherela ya bara, mutitimihe nzina na Yehova, Mulugu wa Izarayeli.

Daniyeli 12:7

Mwa enne pavwile miyo mulombwana wenno awarile jowara josakanyiwa na usalru wapama ule, wenno afwanyeyaga vazulu va mahindje a muhindje ule. Liye ohovenyihaga muwono waye odjana na oromana liye ing'aniha zulu, liye lumbela ira: <<Miyo nnolumbela na nzina na wenno unakalawo malambo a mukalakala ira jeji jinaireya muwari mwa tempu imohi, na matempu menli eto na tempu ya metadi, atu otchenihiwa tempu yewa yoharahariwa yamala. Era eno pa evo vanafuna kwakwanela jatene jeji!>>

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 4:2

Miyo dionne ira ili yapama duiziwiheni jionihedo na jotikiniha jatene jidiirele Mulugu Okwaranya Jatene!

Daniyeli 4:26

Eto zela yenno yawongiwe ira kahiye nigodo niwa na mitchitchi diwa dene da mutengole, ku wonga mwagamanle iziwa ira uhukalawo uli zulu unautongani, umwene wenyu unouwelelani.

Daniyeli 4:3

Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!

Daniyeli 4:32

Weyo unotamangihiwavo vari va atu ira udowe wakalege na anavinyama a mukokolani eto unerege dja malatchi nnga ng'ombe, ante vimale tempu tanu na mbinli, fiyeda uwande iziwa ira Wenno Ukwaranyile Jatene uhukana utongi zela umwene wa atu mwilamboni ya vati eto unanvaha mutu wenne unanfunana liye!>>

Daniyeli 4:36

Mwa tempu imohive yenne zelru daga dohowelelagamo eto utongi waga no wareya waga wohodiwelela akoka ira dikayena undimuwa muumweneni mwaga nnga mwali miyo. Anamawelruzaga na andimuwa andimuwa aga kohoroma divenda, aliwa za ditukula, miyo welihediwa umwene waga. Evale undimuwa waga wohowendjediwa kwaranya undimuwa danna miyo voroma vene.

Daniyeli 5:18

So mwene, Mulugu Okwaranya Jatene ohonvaha babinyu Nabukodonozore umwene na undimuwa na upama vamohi na kopolo.

Daniyeli 5:21

Noira eno, ohotamangihiwa vari va atu. Joumbuwela jaye johokalaga nnga joumbuwela ja mwanainyama, liye kalaga vamohi na aburu a mukokolani! Liye ohoroma dja malatchi nnga ng'ombe eto onyetihiwa maningo aye na ningame nokumela zulu ante liye fiyeda iziwa ira Mulugu Okwaranya Jatene uhukana utongi zela amwene atene a mwilamboni ya vati eto unowanda nvaha umwene mutu wenne unanfunana liye!>>

Daniyeli 6:26

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala!

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Daniyeli 7:27

Evale umwene, na utongi, na undimuwa wa amwene atene a mwilamboni unoza utukuliwe uvahiwe mmandani mwa atu otchenihiwa a Wenno Ukwaranyile Jatene. Umwene wewa unaza ukale umwene wa mukalakala, eto utongi watene unerege alaba no avwelela aliwene.>

Daniyeli 9:14

Na mwasa wenno nyo Yehova muhuwanda nitonga na makalelo anna, munizelagana ubure wenna mwamanle nyo balra wanle. Nyo Yehova Mulugu wehu muhusakanya pama muwari mwa jatene jairile nyo tchoira hiyo kanifunile uvwelelani.

Jonasi 1:14

Mwa enne aliwa kohokuwa kanvepaga Yehova kairaga: <<So Yehova, nnouvepani, kamunihiye ira hiyo atene nikwe na mwasa wa ingumi ya mutula. Eto namponyela mutula mwiko, kamunimange mulandu kalaga nnga nimpile mutu ahategileve. Mwasiwa nyo Yehova muhuirana nnga mwafunile nyo.>>

Lukaji 1:33

Liye unerege tonga mulogo wa Jako. Umwene waye kuza umala. Unakala umwene wa mukalakala.>>

Lukaji 18:13

Mbwenye namasokiha misoko ule ohoimelaga olapela wene, nne meswaye kaing'anihile zulu. Liye ohogugudaga vamirimani vaye alobelaga eraga: <Mulugu, mudiwendele tangaranga miyo vano mutu otega.> >>

Juwawu 5:26

Tchoira sawasawa nnga Baba gu namavaha wa ingumi, Baba eto unvahedile Mwanaye ira akale mwinnya ovaha ingumi.

Detoronomiyo 32:4

<<Liye gu Nibwe nindimuwa eto jolaba jaye jatene ti jolaba jokwakwanela, tchoira ndila daye datene nnafwanyeya dagali ndila dapama. Mulugu gororomeleya, muwari mwa liye kamunafwanyeya jonyenga. Mulugu unafwanyeya agali wapama eto owongowa.

1 Timoteyo 1:17

Mulugu Mwene wa tempu datene, wenno ahanawanda kwa, ahanawanda oneya na meso, Mulugu mmohive uliwo, ateteliwe eto undimuwa waye uoneye kuma peno dowa sogolro kala no kala. Ame.

1 Timoteyo 6:16

Mulugu eka gwahanakwa, gunakala muwari mowareya undimuwa wewo wahanawanda fiya mutu. Kalivo umuonne eto kalivo unawanda muona. Inafwanela liye ateteliwe, utongi watene ukale na liye kala no kala. Ame!

Jowandeliwa 10:6

liye lumbela eraga: <<Wanle Mulugu ohawandela anamafiyiheda mabasaye okoyeya afuna liye za laba. Miyo nnolumbela na nzina na Mulugu wenno unazave akalagawo, wenno upandutchile zulu na jatene jilimo vamohi na ilambo ya vati na jatene jilimo na bara na jatene jilimo. Nnolumbela ira vohodibeliwa mungelro wanetanu na mbinli aimba palraza yaye, mabasa anno anomala kwakwanela.>>

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>

Jowandeliwa 4:10

andimuwa 24 anafwanyeya mmipandoni ale na aliwene anokuma mmipandoni mule, aliwa mukokorelaga wenno ugaratile mpando wa umwene ule, aliwa mutamalelaga wenno unakalawo kala no kala, aliwa wungulaga atchapowa a oru ale, tatilelaga vasogolro va mpando vale, kawongaga keraga:

Jowandeliwa 4:9

Eto jengo ja ingumi jile jamutitimihaga wenno ugaratile vampandoni va Umwene vale, jimutetelaga Mulugu Okalawo malambo a mukalakala zela jinaira liye, jiiragave enne,