Daniyeli 4:3 - Mazu Otchena a Mulungu

³ Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!

Daniyeli 4:3 Iomraidhean Croise

Izaiya 25:1

So Yehova, nyo muli Mulugu waga. Nnoutetelani eto nnotamalela nzina nenyu. Mwasiwa nyo muhuirana jotikiniha jororomeleya eto ja ibaribari, jejo jaumbuwenle nyo wanle.

Izaiya 28:29

Zelru yenno inakumela wa Yehova wa Makuru Matene. Jowelruza jaye totikiniha, zelru daye ta pama kwaranya.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 2:2

Mwa enne liye ohaitanaga ang'anga okwima, aliba visangwisangwi, aliba lowa na aBabiloniya owonga ja sogolro ira kaze kamuwandele mwene joroha jaye. Evale aliwa kohozaga, aliwa fiya vamentoni va mwene Nabukodonozore.

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 4:17

Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >>

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Daniyeli 7:27

Evale umwene, na utongi, na undimuwa wa amwene atene a mwilamboni unoza utukuliwe uvahiwe mmandani mwa atu otchenihiwa a Wenno Ukwaranyile Jatene. Umwene wewa unaza ukale umwene wa mukalakala, eto utongi watene unerege alaba no avwelela aliwene.>

Roma 11:33

Upama wa Mulugu, zelru daye, no iziwa waye kahi wa masika. Kalivo unawanda mariha iziwa matongelo a Mulugu. Nne jinera liye kalivo unawanda muruniha.

Detoronomiyo 4:34

Owu hehi mufuke akala ukalawo mulugu ubabihile xixa dowa awombola atu mmandani mwa afwiwa aazagana wa liye molabana jotonyiheda na jionihedo na jotikiniha na kondo vamohi na ndanda na kopolo na muwono owongowa na jokukumula jidjindji molingana na jatene Yehova Mulugu wenyu jairile liye Ijipitu muing'anaga na meso enyu.

1 Timoteyo 1:17

Mulugu Mwene wa tempu datene, wenno ahanawanda kwa, ahanawanda oneya na meso, Mulugu mmohive uliwo, ateteliwe eto undimuwa waye uoneye kuma peno dowa sogolro kala no kala. Ame.

Eberewu 1:8

Mbwenye zela Mwanaye, mMazuni muhulrembiwa ira: <<Nyo Mulugu [Mwana], mpando wenyu wa umwene gwa mukalakala. Nyo munatonga muUmweneni mwenyu na makalelo okwakwanela.

Eberewu 2:4

Mulugu eto ohidedela umboni zela Muselu Wapama muwari mwa jionihedo na jotikiniha na jengo johiyana hiyana na jolemelela ja Munemba Otchena Mulugu ugawile liye mofuna mwaye.

1 Peduru 4:11

Wenno uvahiwe ira alaleyege, inafwanela alaleyege nnga unalaleya Mazu okumela wa Mulugu. Wenno uvahiwe ira aakamihedege afwaye, aakamihedege muwari mwa kopolo Mulugu unavaha liye. Muiregena jatene jejo ira mwa jatene jinairegena nyo, Mulugu awandege tamaleliwa muwari mwa Yesu Kiristu, wenno unna undimuwa na utongi kala no kala. Ame!

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>