Daniyeli 4:18 - Mazu Otchena a Mulungu

¹⁸ Evale Nabukodonozore ohomariha wonga eraga: <<Ila tchi yoroha danna miyo dagali mwene Nabukodonozore. Mbwenye weyo mulombwana Beltesazare nnafuna uwonge yotapulela ya yoroha yaga mwasiwa atu atene okana toto muumweneni mwaga kiwandile tapulela. Mbwenye weyo unowanda, mwasiwa munemba wa amilugu otchena uli muwari mwa weyo.>>

Daniyeli 4:18 Iomraidhean Croise

Jenesesi 40:12

Evale Joze ohomuwandelaga eraga: <<Yotapulela ya yoroha yenno, tchi ila. Tambi taru ku tapulela malambo mararu.

Jenesesi 41:15

Evale Farawu ohomuwandelaga Joze eraga: <<Miyo dire roha. Mbwenye kalivo unawanda ditapulela. Noira eno, miyo vwa ira weyo wavwa yoroha, unowanda tapulela.>>

Jenesesi 41:8

Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

Izaiya 19:3

AIjipitu anokala lohulo. Nnoza dinonge zelru diwa. Evale anodowa kavepege zelru vikwamutu josema na aliba lowa, na aliba manyanga vamohi na aliba tapanya na azimu.

Daniyeli 1:20

Fendo datene mwene afuka liye zela yengo ili yatene yafuneya ira ilabiwena zelru nari iziwetchetcha, mwenole ofiyeda ona ira atu annayi ale kohokana toto didjindji akwaranya ang'anga okwima atene na aliba visangwisangwi atene kafwanyeya muumweneni mwaye.

Daniyeli 2:38

Liye uhuwanda uvahani ira muwandege atonga atu a vilambo datene, na anavinyama anawenda mukokolani na mbalrame dovava zulu. Muru wa oru wa nlandaniho mwaona nyo, gu nyo so mwene.

Daniyeli 2:7

Evale aliwa kohowakulaga fendo yanembinli keraga: <<So mwene hiyo anamalaba enyu nnafuna muniwandele yoroha yenyu, era eno, nnowanda tapulela!>>

Daniyeli 5:15

Miyo dohaitaniha aliba toto, aliba visangwisangwi ira kawande ileri jejo jilrembiwe eto kadiwandele yotapulela iwa. Mbwenye aliwa kagazile, nne mmohi kalivo uwandile tapulela mazu kalrembiwe ale.

Daniyeli 5:8

Mwa enne kohovolowaga aliba toto atene a mwene, mbwenye kalivo nne mutu mmohi awandile ileri amala amutapulela mwene.