Daniyeli 4:17 - Mazu Otchena a Mulungu

¹⁷ Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >>

Daniyeli 4:17 Iomraidhean Croise

1 Amwene 21:25

Fwanyeya ira Akabe gwatabwetchetche vivelela ira asakanyege jabure vamentoni va Yehova kwaranya amwene atene. Liye airana ejo muwari mokanyihediwa na muhiyanaye Jezabeli.

Ezodu 9:16

Mbwenye ira miyo duhiye weyo ira ukalewo, diirele ira duonihe kopolo daga eto ira nzina naga niiziweye mwilamboni ya vati.

Izaiya 6:3

Aserafini ale kohokuwaga keraga: <<Otchena, otchena, otchena gu Yehova wa Makuru Matene. Undimuwa waye uzala ilambo ya vati.>>

Izaiya 6:8

Kuma evo dohovwa mazu a Nabwiya kawongaga keraga: <<Kodi unafuna hiyo muruma bani ira adowe?>> Evale dohoiraga: <<Miyo dili evano, dirumeni.>>

Daniyeli 11:21

<<Vamalroni vaye, unozavo mwene mmohiwa wabure, agali mutu ohofwanela vahiwa umwene. Mbwenye unoza atukule umwene morurumutcha eto muwari monyenga.

Daniyeli 2:21

Liye unowanda tchindja matempu eto unowanda tchindja makalelo a ilambo. Unowanda abwanyula amwene, liye agweliha vampandoni atu amohiwa ira kakale amwene. Liyene gunawanda avaha toto atu a toto eto unowanda avaha onelramo atu anne anaonelramo.

Daniyeli 4:2

Miyo dionne ira ili yapama duiziwiheni jionihedo na jotikiniha jatene jidiirele Mulugu Okwaranya Jatene!

Daniyeli 4:25

Nyo munoza mutamangihiwevo vari va atu, mudowe mwakalege na anavinyama a mukokolani. Mwagadowile mukokolani, nyo munerege dja malatchi nnga ng'ombe. Eto munerege nyetihiwa na ningame nokumela zulu. Eto vinovira tempu tanu na mbinli fiyeda nyo muiziwe ira Wenno Ukwaranyile Jatene uhukana utongi zela amwene atene a mwilamboni ya vati eto unonvaha mutu wenne unanfunana liye.

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Roma 13:1

Inafwanela mutu uli watene anvwelelege guverno wenno unamutonga. Tchoira kavali utongi wahanazela wa Mulugu. Unaruma ira mwilamboni mukale aguverno otonga gu Mulugu.

1 Korinto 1:28

Mulugu ohosakulra jengo jing'ining'ini, ejo jinalramwisa atu, ejo jinaona atu nnga jengo johokana mabasa ira muwari mwa jing'ining'ini jile awande nonga mabasa matene a atu.

1 Timoteyo 5:21

Miyo nnouruma vamentoni va Mulugu na Yesu Kiristu na angelro anno Mulugu aasakunlre liye, ira mangano matene anawonga miyo ala, uharihegemo mohokana nfwawo, mohokana nsakulro.

Jowandeliwa 4:8

Vinyama nnayi da ingumi dile dihikana mapepelo matanu na nimohi. Maningwiwa matene kazanle meso ve kuma zulu ante vati va mapepelo ewa. Eto ora ili yatene ntana na mahiyu vinyama dile dinnana imba mohomiyala, diiraga: <<Otchena, Otchena, Otchena gu Nabwiya, Mulugu wa Kopolo Datene, wenno aliwo wanle, uliwo peno eto unaza akalewo!>>

1 Samuweli 2:8

Liye gunaakumihawo atu osimela tumbulruni uli atu eto liyene gunaakumiha atu vazunguni vili atu, liye dowa agaratihaga mamburo apama a umwene. Tchoira mwinnya wa mambozo ohideda ilambo yatene gu Yehova. Liye ohotukula ilambo ya vati, liye goromeyavo.