Daniyeli 4:14 - Mazu Otchena a Mulungu

¹⁴ Liye azaga okuwaga eraga: <Nnafuna mugwihe mutengoyo, amala mutaze tambi daye do, muvaretche matakuru anafwanyeyana liye eto mutikinyemo ira jovaha jatene jinna liye jimoremo. Eto anavinyama a mukokolani anafwanyeya vati va mutengoyo kabalaleyevo eto mbalrame nnafwanyeya mutambini muwa dikumemo.

Daniyeli 4:14 Iomraidhean Croise

Daniyeli 2:21

Liye unowanda tchindja matempu eto unowanda tchindja makalelo a ilambo. Unowanda abwanyula amwene, liye agweliha vampandoni atu amohiwa ira kakale amwene. Liyene gunawanda avaha toto atu a toto eto unowanda avaha onelramo atu anne anaonelramo.

Daniyeli 3:4

Mwa enne maliba kuwa ohowongaga na mazu okuwa eraga: <<Nyo mwindji watene na malogo matene na atu atene a viwongelo dohiyana-hiyana munorumiwa na mwene ira

Daniyeli 4:12

Matakuru a mutengole kali matakuru apama, oriya eto jovaha jiwa jali pwi. Eto mohokala jodja para atu atene. Eto anavinyama a mukokolani koza, aliwa vumaga vanfulrini viwa. Eto mbalrame dovava zulu doza sakanyaga vitundji diwa mutambini mwa mutengole. Eto jovuma jatene jowanda posiwa muwari mwa jovaha jiwa.

Daniyeli 4:23

<<Eto so mwene zela namaing'anela otchena mmuonne nyo akumelaga zulu, awongaga eraga: <Mmugwihe mutengoyo eto mumale taza tambi diwa, so mbwenye vati muhiyevo nigodo niwa vamohi na mitchitchi diwa mwagamangile na sintu na momba na mukuwa vari va malatchi matiti a mukokolani. Era enne ningame nokumela zulu nnoza nimunyetihege eto adjege vamohi na anavinyama a mukokolani, ante vivire tempu tanu na mbinli>,

Daniyeli 4:29

Vagamanle medi kumi na minli, siku nimohi mwene Nabukodonozore awendawendaga vazulu vapalasiyoni vaye mwilamboni mwa Babiloniya

Daniyeli 5:20

Mbwenye agaromile vitukulela mmirimani mwaye eto aroma vanda murima muwari movititimiha, ohotitihiwa vampandoni eto ohowakiwa undimuwa wanna liye!

Daniyeli 5:21

Noira eno, ohotamangihiwa vari va atu. Joumbuwela jaye johokalaga nnga joumbuwela ja mwanainyama, liye kalaga vamohi na aburu a mukokolani! Liye ohoroma dja malatchi nnga ng'ombe eto onyetihiwa maningo aye na ningame nokumela zulu ante liye fiyeda iziwa ira Mulugu Okwaranya Jatene uhukana utongi zela amwene atene a mwilamboni ya vati eto unowanda nvaha umwene mutu wenne unanfunana liye!>>

Matewuji 3:10

Eto mbazo imala sayihiwa ira igwadege mitengo na mitchitchi diwa dene. Mutengo watene ahanavaha misapo dapama, unogwadiwa, avokediwe munloni.

Matewuji 7:19

Eto mutengo uli watene ahanavaha misapo dapama, unogwadiwa, dowa tatileliwa munloni.

Lukaji 3:9

Eto mbazo imala sayihiwa ira igwadege mitengo na mitchitchi diwa dene. Mutengo watene ahanavaha misapo dapama, unogwadiwa, avokediwe munloni.>>

Jowandeliwa 10:3

Evale ohoroma wonga na mazu okuwa nnga podogoma anlaga. Agakuwile enne dohovweyaga ndari tanu na mbinli damurumelelege kuwa wakuwile liye.

Jowandeliwa 18:2

Mungelrole ohokuwaga molimbiha eraga: <<Ihimala gwa, ihimala gwa sidadi indimuwa ya Babiloniya. Peno ti nimburo munakala minemba dabure na minemba datene dotakala, na mbalrame datene dotakala nari vinyama dabure datene dotakala dohofwanelela.