Daniyeli 3:17 - Mazu Otchena a Mulungu

¹⁷ Hiyo navokediwa muhofuni mwa munlo ohindetchetcha, nihikana ibaribari ira Mulugu wehu wenno unamulaba hiyo unowanda nivunela. Liye eto gunafuna nivunela mmandani mwenyu, so mwene!

Daniyeli 3:17 Iomraidhean Croise

Jenesesi 17:1

Abaramu aganna yaka 99, Yehova ohomutwanyuwela, eraga: <<Miyo dili Mulugu wa Kopolo Datene. Uwendege na miyo, uvwelelege jofuna jaga.

Jenesesi 18:14

Kodi ikalavo yengo inamurutcha Yehova? Yaka ya metchelo ora nnga yenna, miyo nnowelela veva, Sara unombala mwana.>>

Izaiya 12:2

Kaing'anani Mulugu gu Nvulusi waga. Nnerege muroromela liye eto kilivo inaova miyo, mwasiwa Nabwiya Yehova ti kopolo nnadilimbiha miyo. Gu liyene unafuna miyo muimbela. Gu liyene unadivulusa.>>

Izaiya 54:14

Weyo unoza ugarateye muwari mwa upama wa ibaribari. Kaza akalawo mutu unafuna usanya mwasiwa kilivo inafunege we ova. Kuza ukana rendjeya mwasiwa ova kuza ufiya vakwikwive na weyo.

Daniyeli 3:26

Mwa enne mwene Nabukodonozore ohozaga va mulango va hofu wa munlo ohindetchetcha vale, liye wonga eraga: <<Sadaraki, Mezaki, na Abedenego, nyo anamalaba a Mulugu Okwaranya Jatene, kakumani, muze uno.>> Evale mulombwana Sadaraki, Mezaki na Abedenego kohokumagamo mmunloni mule.

Daniyeli 4:35

Eto atu atene a mwilamboni ya vati, vamentoni vaye kahi yengo. Eto Wenno Ukwaranyile Jatene unolaba mofuna mwaye muwari mwa nikuru natene nnafwanyeya zulu nari atu atene anakala mwilamboni ya vati. Kalivo unawanda muhiyiha yengo nne kalivo unawanda nfuka ira: <<Kodi munakala ani?>>

Daniyeli 6:16

Mwa enne mwenole oharumaga atu, aliwa mudowela mulombwana Daniyeli. Agazile, kohomuhindaga, aliwa dowa nvokeda mmulihani mwali apodogoma. Noira eno, mwenole ohomuwandelaga Daniyeli eraga: <<Mulugu wawo wenno unamulaba we malambo matene, akale wenno unauvunele!>>

Daniyeli 6:23

Evale mwenole agavwile enne, ohoziveliwaga valukulu, liye aruma atu ira kadowe kankumihemo mulombwana Daniyeli mmulihani mwa apodogoma mule. Evale aliwa kagankumihilemo, funa muing'ana Daniyeli, fwanyeya ira liye kaporeyilege nne vang'ono, mwasiwa liye ohomuroromela Mulugu waye.

Daniyeli 6:27

Liye unowombola eto unovulusa. Eto unowanda irana jitonyihedo na matikiniho zulu na ilambo ya vati. Gu liyene uwandile muwombola mulombwana Daniyeli mmandani mwa kopolo da apodogoma!>>

Lukaji 1:37

Tchoira na Mulugu kilivo yengo yahanawandeya.>>

Joira ja Anamarumiwa 20:24

Masiki eno, miyo nnoona ira ingumi yaga kinna mabasa, eto kahi yengo yofuneyetchetcha, nari. So nnafuna dimarihe korida inatamanga miyo, dimarihe mabasa udirumile Nabwiya Yesu ira divweyihe Muselu Wapama zela sayi da Mulugu.>>

Joira ja Anamarumiwa 21:13

Mbwenye Pawulo ohowakula eraga: <<Nyo munanlela nni? Munadikumbanyihela nni, mudititaga sogolro waga? Tchoira dihimala kozeya ira dimangiwe Jeruzalemu eto dihimala kozeya ira dikwe wewo zela nzina na Nabwiya Yesu.>>

Roma 8:31

Kodi nnafuna niwonge avi muwari mwa jatene eji? Akala Mulugu gunanisogolrelra, kodi bani unafuna nigondjiha?

2 Korinto 1:10

Liye ohonivunela muwari mwa ukwa wowopiha eto uneregeve nivunela. Hiyo nihikana yodediha muwari mwa liye ira uneregeve nivunela.

Eberewu 7:25

Nona liye unowanda avulusa mokwakwanela anno anafuna mukwivela Mulugu muwari mwa liye. Tchoira liye ukalawove kala no kala ira aalobelelege atwale vari va aliwa na Mulugu.

1 Samuweli 17:37

Yehova wenno udiwombonle mmandani mwa apodogoma na mmandani mwa aurusu, gu mmohive unere adiwombole mmandani mwa nFilistewu ule.>> Davi agawongile mazu anne, Sawuli ohowakula, liye ira: <<Tabo, ihikala pama! Venya udowe eto Yehova akale na weyo!>>

1 Samuweli 17:46

Peno eva Yehova unodivaheda weyo mmandani mwaga eto miyo nnoupa, digwade muru wawo. Miyo peno nnotukula maningo a anyakondo a aFilistewu, daavahe mbalrame dovava zulu na anavinyama a mukokolani. Jaireya eno, pa evo vanafuna atu atene a mwilamboni ya vati kaiziwe ira Mulugu wa Izarayeli ukalawo.