Daniyeli 3:13 - Mazu Otchena a Mulungu

¹³ Mwa enne mwene Nabukodonozore ohozeliwaga takaleliwa wohokala wa masika. Motakaleliwa mule, ohaitanihaga Sadaraki, Mezaki, na Abedenego. Mobaranya alombwanale kohodowiwana vamentoni va mwene.

Daniyeli 3:13 Iomraidhean Croise

Jenesesi 4:5

Mbwenye Yehova kamurumenle Kayini vamohi na jovelela jaye. Na mwasa wenne, Kayini ohotakaleliwa valukulu, liye pota makwizi vakoveni vaye.

Daniyeli 1:7

Mbwenye mundimuwa wa anamalaba atene a mwene Nabukodonozore ule ohavahaga mazina mamohiwa. Daniyeli ohonvaha nzina na Beltesazare, Ananiya liye nvaha nzina na Sadaraki, Mizayeli liye nvaha nzina na Mezaki eto Azariya liye nvaha nzina na Abedenego.

Daniyeli 2:12

Evale mwene Nabukodonozore ohotakaleliwaga eto ohojamo na makalelo ohokala a masika. Liye aruma atwaye ira kadowe kaape aliba toto atene a Babiloniya.

Daniyeli 3:19

Mwa enne mwene Nabukodonozore ohotakaleliwaga na makalelo ohokala a masika na mazu kawongilege atu ale, evale ohopotaga makwizi vakoveni vaye zela Sadaraki, Mezaki na Abedenego. Eto oharuma atwaye eraga: <<Kadowani mwakahihe muhofuni mwa munlo mule fendo tanu na mbinli kwaranya makalelo anakahetcha atu!>>

Matewuji 10:18

Nyo munotukuliwa mudowiwena vamentoni va agovernadore na vamentoni va amwene na mwasa wa miyo vano ira mudowe mwadihidedele umboni vamentoni vewa eto vamentoni va atu ohokala aJudewu.

Markuji 13:9

<<Ifwanele ira muviing'anele pama, mwasiwa munoza muvahediwe mmandani mwa anamatonga. Aliwa anoububudani muwari mwa nyumba dofundjamo Mazu eto anoza kaudowenani mmandani mwa agovernadore nari mmandani mwa amwene. Jatene ejo jinauireyelegeni na mwasa wa nzina naga ira nyo mudihidedele umboni.

Lukaji 21:12

Mbwenye jatene eji jahanaireye, na mwasa wa nzina naga nyo munoza muhindiwe, muireliwe makalelo abure, muveleliwe ira mwatongiwe munyumbani dofundjamo mazu. Eto munoza mutatileliwe mukadeya eto munoza mutukuliwe mudowiwena mmandani mwa amwene na mmandani mwa agovernadore ira mwatongiwe.

Lukaji 6:11

Mwa enne, anamafundjiha malamulo na aFarizewu ale kohotakaleliwaga valukulu, aliwa roma pangana makalelo kafuna atu muirana Yesu.

Joira ja Anamarumiwa 24:24

Vagavirile malambo mangasi mangasi, governadore Felekisi ule ohoza vamohi na muhiyanaye Duruzila wenno ali muJudewu. Felekisi ohomuitaniha Pawulo ira avwe jowonga jaye. Evale kohovwa laleya wa Pawulo zela muroromela Yesu Kiristu.