Daniyeli 3:1 - Mazu Otchena a Mulungu

¹ Mwene Nabukodonozore ohosakanyaga ikwamutu yosema ya oru. Lapa uwa dowa zulu ali mameturu 27 eto rambalala uwa ali mameturu 2 na masentimeturu 70. Noira enne, ohowongaga ira: <<Yosema ile idowe yaimetchiwe nimburo notandeleya na Dura, muwari mwa porovinsiya ya Babiloniya.>>

Daniyeli 3:1 Iomraidhean Croise

1 Amwene 12:28

Noira enne, agaafukile afwaye zelru, liye ohosakanyaga ana ng'ombe ambinli a oru, liye wonga na atu atene eraga: <<Ira nyo mukumegeve uno mudowege Jeruzalemu akoka, tchi goyi ilukulu para nyo. Ing'anani nyo aIzarayeli, amilugu banna kaukumihileni Ijipitu!>>

Ezodu 20:23

Kamudifwalrafwanihe na amilugu amohiwa. Nne kamusakanyege amilugu amohiwa a parata nne a oru.

Ezodu 32:31

Noira enne, mulombwana Mozeji ohowelelaga wa Yehova wakoka wene, liye nvepa eraga: <<Yehova atwala kohosakanya yotega ilukulu, aliwa visakanyelaga amilugu a oru.

Izaiya 2:20

Siku neno atu anoza katukulege vikwamutu josema, ja parata na ja oru, ejo jasakannye atu ira kajitamalelege, kaze katatilelege mwemo munakala anafuwo na anantutu.

Izaiya 30:22

Evale munoza mutakalihe jolandaniha ja amilugu jagali josemiwa, jokuneliwa na oru na parata, eto munoza mutatile ejile nnga makata muwongaga ira: <<Jikumevo jatene eji.>>

Izaiya 46:6

Atu amohiwa anahula pasta diwa, aliwa kumihamo oru. Anatukula parata, aliwa pima vabalansani viwa. Aliwa anamuwongana mesilri ohana, liye asakanyedela amilugu. Nomala eno, anoikokorela, aliwa ilobelelaga.

Daniyeli 2:48

Noira enne, mwene ohomuulukulihaga Daniyeli na makalelo ohokala a masika, anvahaga mivaho didjindji dene. Eto ohomuhambiha liye kala governadore wa porovinsiya yatene ya Babiloniya eto ira akale musogolrelri wa aliba toto atene a Babiloniya.

Daniyeli 2:49

Noira enne, mulombwana Daniyeli onvepaga mwene Nabukodonozore ule ira awande ahambiha afwaye araru ale Sadaraki, Mezaki na Abedenego ira kakale anamasogolrelra a jatene ja porovinsiya yatene ya Babiloniya. Evale mwene ohahambiha. Mbwenye Daniyeli ohokalagave palasiyoni wa mwene.

Daniyeli 3:14

Kagazile, mwene Nabukodonozore ohafuka eraga: <<Kodi na ibaribari we mulombwana Sadaraki, Mezaki, na Abedenego, nyo kamunafuna alaba amilugu aga, nne kamunafuna tamalela ikwamutu yosema ya oru yenno iimetchile miyo?

Daniyeli 3:30

Noira enne, mwene Nabukodonozore ohagwelihagave alombwana araru ale izo yanna atu muwari mwa porovinsiya ya Babiloniya.

Daniyeli 5:23

Eto nyo muhuirana jompokiha Nabwiya wa zulu. Mwasiwa mohowanda zihavo jengo jalabetcha muNyumbani mwaye, noira eno nyo vamohi na andimuwa enyu atene, ahiyaninyu na amwendinyu, nyo tukula, roma ng'welagamo vinyu! Eto hiya yenno bahi, nyo muhutamalela amilugu enyu a parata na oru, a mukuwa, momba, mitengo na amilugu a mabwe, anno kahanaona, kahanavwa nne kahaiziwile yengo ili yatene. Nyo kamufunile muriheda Mulugu wenno uwandile uvahani mwelra ira muvumege, Mulugu wenno unaukoyani mowenda mwinyu mwatene.

Daniyeli 5:4

Kohong'waga vinyu katamalelaga amilugu ewa a oru, a parata, a mukuwa, a momba, a mitengo, na amilugu ewa a mabwe.

Joira ja Anamarumiwa 17:29

Voira nili ana Mulugu, kaniumbuwele ira Mulugu gu yengo ya oru nari parata nari mabwe, nnga ikwamutu yosema yosakanyiwa na manda na zelru da atu.

Joira ja Anamarumiwa 19:26

Mbwenye eni mwilamboni mwa Efezo muli hiyo muno nari ilambo yatene ya Aziya, ukala uneriwa Pawulo unawonga ira: <Amilugu osakanyiwa na manda a mutu kahi yengo ya ibaribari.> Liye umala agondjiha atu oindjiva, uhumala arungunutcha atu muwari mwa jowonga jaye.

Detoronomiyo 7:25

<<Eto jolandaniha ja amilugu ewa jagali josemiwa nyo munerege tumeya na munlo. Eto parata na oru jirihedilena atu vikwamutu josema jile, nyo kamusilrilre, nne kamutukule, mwasiwa inokala yengo inafuna umangani. Mwasiwa jejo jinafwanyeya jagali jengo jotakaletchetcha wa Yehova Mulugu wenyu.

Jowandeliwa 9:20

Eto atu amohiwa ohala anno kahapiwe na jengo taru jabure jile, masiki kagaonneve makalelo owopiha ale, aliwa kagahanle tchawandile twaruwa zela jengo jabure jairana atu. Kohokalelave tamalelaga minemba dabure na vikwamutu josema josakanyiwa na oru na parata na mukuwa na mabwe na jimiri, jengo johowanda ona nne vwa nne wenda, aliwa aya tamalelaga ejo.