Daniyeli 2:9 - Mazu Otchena a Mulungu

⁹ Nyo mwahawande diwandela yoroha yaga, makalelo anafuna miyo utongani dihimala uwandelani. So miyo nnaona ira nyo atene muhumala panganela mazu abure, mazu onama ira muzena vamentoni vaga, fiyeda ditchindje youmbuwela yoira dupeni. Na mwasa wenno inafwanela mudiwandele yoroha yaga ira miyo dikayena ibaribari ira nyo munowanda itapulela!>>

Daniyeli 2:9 Iomraidhean Croise

1 Amwene 22:22

Evale liye ohowakula ira: <Miyo nnovenya, didowe dakale munemba onama vamulomoni va anamafiyiheda aye atene.> Mwa enne Yehova ohomuwakula ira: <Kavenya udowe wamunyenge. Tchoira wamunyenga, jinafuna we wonga, liye unoirana.> >>

1 Amwene 22:6

Mwa enne mwene wa Izarayeli ule ohagumaniha anamafiyiheda okwakwana wandamelana alombwana 400, liye afuka eraga: <<Kodi miyo podi dowa kondoni Ramote-Jileyadi, owu nari kadiyewo?>> Aliwa kohowakula keraga: <<Kadowani, mwasiwa Nabwiya unouvahedani aliwa mmandani mwenyu.>>

Izaiya 41:23

Muniwandele jinafuna za ireya sogolro ira niiziwe ira na ibaribari nyo muli amilugu. Kairanani japama owu kairanani jabure ira munitikinihe owu munirendjetche.

Izaiya 44:25

Miyo nnosakanya ira jionihedo ja anamafiyiheda onama jahaireye. Miyo eto nnoasandutcha aliba wombeza makanga ira kakale azimora. Miyo eto nnofutukuliha jowonga ja aliba zelru, daaonihaga ira zelru diwa kadinna mabasa.

Daniyeli 2:16

Noira enne, mulombwana Daniyeli ohovenyaga, liye dowa wonga na mwene, anvepaga ira arome mudediha vang'onove ira awande muhiya tempu yoira atapulele yoroha yaye.

Daniyeli 2:21

Liye unowanda tchindja matempu eto unowanda tchindja makalelo a ilambo. Unowanda abwanyula amwene, liye agweliha vampandoni atu amohiwa ira kakale amwene. Liyene gunawanda avaha toto atu a toto eto unowanda avaha onelramo atu anne anaonelramo.

Daniyeli 2:8

Mwene Nabukodonozore ohowakulaga eraga: <<Miyo dihiiziwa ira nyo munafuna mudibeliwe ira mwahapiwe tchineneva mwasiwa nyo munoona ira iwongile miyo kalivo unafuna runiha.

Daniyeli 3:15

Peno mbwenye eni ihifiya tempu yenyu. Eni nyo mwavwa nla wa palraza, falauta, arpa, lira, sitara, salteriyu vamohi no nla wa yoimbana ili yatene, nyo inafwanela mukokore, mutamalele ikwamutu yosema yenno isakanyile miyo. Mwairana eno, inokala pama. Mbwenye mwahafuneve irana, tempu imohive munovayela tatileliwa muhofuni mwa munlo ohindetchetcha. Jaireya eno, kodi mulugu guvi unafuna uvunelani mmandani mwaga?>>

Daniyeli 5:28

PEREJI ku wonga umwene wenyu uhugawiwa, uhuvahediwa akuda Mediya na akuda Perisiya.>>

Daniyeli 5:31

Noira enne, mulombwana Dariyo nkuda Mediya ohogwelaga vampandoni. Ahambaga umwene ule anna wandamelana yaka 62.

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

2 Korinto 2:17

Unawanda gu hiyene mwasiwa hiyo kannawonga mazu a Mulugu muwari mofuna watchela kobiri nnga jinaira atu adjindji. Hiyo mbwenye nnawonga mazu a Mulugu vamentoni vaye muwari mwa Kiristu nagali eto atu a ibaribari, orumiwa na Mulugu.