Daniyeli 2:41 - Mazu Otchena a Mulungu

⁴¹ Nlandaniho nionile nyo, manyaluwa na jibuno jiwa jagali ja momba ogumaniha na ulongo wenno unalabana anamaomba, tapulela ira umwene wenno kunakala umwene okana vwanana. Mbwenye unokana kopolo da vang'ono mozela momba ogumanihiwa na ulongo ohovanda uonne we.

Daniyeli 2:41 Iomraidhean Croise

Daniyeli 2:40

Eto unoza akalewo umwene umohiwa wanennayi, wenno unafuna za kala olimba nnga momba. Tchoira nnga momba unotchila eto unokotola jatene na umwene wenno unaza akayena makalelo mamohive! Umwene wenno unoza ubwanyulege eto utchilege maumwene a wanle.

Daniyeli 2:42

Sawasawa nnga jibuno jafwanyeya manyaloni ule jafwanyeya jagali ja momba ogumanihiwa na ulongo, umwene uyo pandi imohiwa unakala olimba, pandi imohiwa unakala ohorutcha bwanyuwa.

Daniyeli 7:24

Eto zela manyanga kumi uonile we, ku wonga mwa umwene wenne munokuma amwene kumi. Eto amwene kumi ale kagaoneyile, unoza avenye eto mwene mmohiwa wenno unafuna kala ohiyana na amwene arandji kumi ale. Liye agavenyile, unoagwiha amwene araru kafwanyeya muwari mwa amwene kumi ale.

Daniyeli 7:7

Jagaireyile eno, miyo dohowelela diing'anagave muwari mwa jengo jaonne miyo mmuruni mwaga na mahiyu. Muwari moing'ana dohomuonaga mwanainyama wanennayi owopiha na makalelo ohokala a masika, orendjetcha, okana kopolo dohokala da masika anna meno malukulu a momba. Liye otakuna eto ogwadanya eto jimohi jahala, onyingalela na manyalo aye. Mwanainyamole mbwenye ali ohiyana na anavinyama araru amohiwa ale eto ohokana manyanga kumi.

Jowandeliwa 12:3

Noira eno, eto zulu yohozawo ionihedo imohiwa. Waoneyile mwanainyama eni owopiha ofila, unaitaniwa daragawu, aganna miru mitanu na minli na manyanga kumi. Kada muru ohokana mwana tchapowa vamuru vaye.

Jowandeliwa 13:1

Daragawule agaimenle vamisevani mutcherelani mwa bara mule, miyo eto dohomuonaga besta akumelaga mwiko, aganna manyanga kumi, na miru mitanu na minli. Eto kada muru ohokana mwana tchapowa vamuru vaye eto kada muru vazulu viwa voholrembiwa nzina nomululuviha Mulugu.

Jowandeliwa 17:12

<<Manyanga kumi anno uonne we, tapulela amwene amohiwa kumi, kali kahanavahiwe kopolo dotonga. Mbwenye aliwa anaza kavahiwe umwene ira katonge vamohi na besta, ora imohi bahi.