Daniyeli 2:4 - Mazu Otchena a Mulungu

⁴ Mwa enne aBabiloniya ale kohomuwandelaga mwene ule na iwongelo ya iAramayiku keraga: <<So mwene, umwene wenyu udowegeve sogolro kala no kala. Hiyo nnafuna nyo muniwandelemo hiyo anamalaba enyu yoroha yenno irohile nyo, era eno, nnowanda tapulela uwa!>>

Daniyeli 2:4 Iomraidhean Croise

Jenesesi 31:47

Evale Labawu ohovaha nimburo nenne nzina na Jegari-Saduta [ku wonga kamba ya umboni na iwongelo yaye], mbwenye Jako nimburo nne avahile nzina na Galedi [ku wonga kamba ya umboni na iwongelo yaye].

Jenesesi 41:8

Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

1 Amwene 1:25

Tchoira peno eva eni liye uhudowa velela mikuto didjindji dene, ng'ombe na ana ng'ombe oruva na mabila eto waaitanne ahiminyu, na asogolrelri enyu a anyakondo na namakuta Abiyatare. Eni aliwa anadja eto anang'wa vamentoni vaye kawongaga keraga: <Mwene Adoniya oye! Oye!>

1 Amwene 1:31

Noira eno, Bateseba ohokokoraga, liye oramiha muru waye ante fiyiha kove yaye vati vamentoni va mwene Davi, liye kwi: <<Mbwiyeni so mwene Davi, umwene wenyu udowegeve sogolro kala no kala!>>

2 Amwene 18:26

Mwa enne Eliyakimu, mwana Hilikiya, na Sebina, na Jowa anna karumiwe na mwene kohomuwakulaga mundimuwa owonga ja mwene ule keraga: <<Nnouvepani ira muwongege na hiyo anamalabinyu na iwongelo ya iAramayiku mwasiwa nnovwa pama. Mbwenye kamuwongege na iEberewu, tchoira atu anafwanyeya vazulu va muru vale anavuruwana.>>

Izaiya 36:11

Mwa enne Eliyakimu na Sebina na Jowa anna karumiwe na mwene kohomuwakulaga mundimuwa owonga ja mwene ule keraga: <<Nnouvepani ira muwongege na hiyo anamalabinyu na iwongelo ya iAramayiku mwasiwa nnovwa pama. Mbwenye kamuwongege na iEberewu, tchoira atu anafwanyeya vazulu va muru vale anavuruwana.>>

Izaiya 44:25

Miyo nnosakanya ira jionihedo ja anamafiyiheda onama jahaireye. Miyo eto nnoasandutcha aliba wombeza makanga ira kakale azimora. Miyo eto nnofutukuliha jowonga ja aliba zelru, daaonihaga ira zelru diwa kadinna mabasa.

Daniyeli 1:4

azombwe ohokana yotakala ili yatene, maningo ewa matene, azombwe oriya, ofundjetchetcha, oiziwetchetcha, oonelramo na a toto, ofwanela kala na miyo palasiyoni waga. Aliwa kafundjihiwe wonga no lremba uwa wene iwongelo ya aBabiloniya.>>

Daniyeli 2:7

Evale aliwa kohowakulaga fendo yanembinli keraga: <<So mwene hiyo anamalaba enyu nnafuna muniwandele yoroha yenyu, era eno, nnowanda tapulela!>>

Daniyeli 3:9

Aliwa muwandela mwene Nabukodonozore keraga: <<So mwene, umwene wenyu udowegeve sogolro kala no kala.

Daniyeli 4:19

Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo.

Daniyeli 4:7

Mwa enne kohozaga ang'anga okwima, aliba ing'ana jomoneya ja zulu, aBabiloniya owonga ja sogolro, na aliba visangwisangwi. Aliwa kagazile, miyo dohawandelamo yoroha yaga, mbwenye aliwa kiwandile diwandela yotapulela iwa.

Daniyeli 4:9

Miyo ira: <<Mulombwana Beltesazare weyo uli mundimuwa wa ang'anga okwima atene. Duitanne mwasiwa miyo dihiiziwa ira munemba wa amilugu otchena uli muwari mwa weyo eto kilivo yengo yokoyeya inaurutcha. Miyo nnafuna duwandelemo jengo jionihiwe miyo mmuruni mwaga muwari moroha ira uditapulele. Jengo jionihiwe miyo ti ji.

Daniyeli 5:10

Mwa enne mwenole Belisazare muhiyanaye na mwasa wa jowonga ja mwenole na jowonga ja andimuwale, ohozaga liye volowa mmba mwafwanyeyaga atu kadjaga pwando mule. Agavolowile, ohomuwongagana mwene Belisazare eraga: <<So mwene, umwene wenyu udowegeve sogolro kala no kala. Kamukukumuwe zela joumbuwela jenyu eto kove yenyu kikale yotchindjeyene.

Daniyeli 5:8

Mwa enne kohovolowaga aliba toto atene a mwene, mbwenye kalivo nne mutu mmohi awandile ileri amala amutapulela mwene.

Daniyeli 6:21

Evale mulombwana Daniyeli ohomuwakulaga mwenole eraga: <<So mwene, umwene wenyu udowegeve sogolro kala no kala.

Daniyeli 6:6

Evale aministuru ale na asogolrelri ale kagamanle vwanana, kohomaruwaga, aliwa dowa nfwanya mwene keraga: <<So mwene Dariyo, umwene wenyu udowegeve sogolro kala no kala.

Daniyeli 6:7

Tchoira hiyo andimuwa atene a umwene wenyu, aministuru atene, agovernadore, anamawelruza, na asogolrelri nnaonamo ira yali yofwanela nyo so mwene mukumihe nlamulo noira atu kamale malambo 30 kalobelaga na nzina nenyu bahi. Muwari mwa malambo anno, mutu uli watene unavenye, adowa alobelaga wa mulugu uli watene, nari mutu uli watene ahali nyo so mwene bahi, mutu wenno avokediwe mmulihani mwa apodogoma!

Matewuji 21:9

Mwa enne anamwindji atene romela ale kaligi sogolro vamohi na ale kaligi mundulri, kokuwaga keraga: <<Hozana mwana Davi! Orelihiwa gu Mwene wenno unaza na nzina na Nabwiya! Hozana Mulugu Okwaranya Jatene!>>

1 Samuweli 10:24

Mwa enne Samuweli ohowonga na atu atene eraga: <<Wenna gu mulombwana wenno Yehova umusakunlre liye! Muwari mwa hiyo kalimo mulombwana okwakwanela na liye.>> Evale atu atene kohokuwaga keraga: <<Mwene oye! Oye!>>