Daniyeli 2:23 - Mazu Otchena a Mulungu

²³ Nyo Mulugu wa makolo aga, nnoutamalelani eto miyo nnoutetelani mwasiwa nyo gudivahile toto na kopolo! Eto peno muhuwanda diiziwiha yenno yuvepileni hiyo. Tchoira muhuwanda niiziwiha muselu wa mwene!>>

Daniyeli 2:23 Iomraidhean Croise

Jenesesi 18:17

Evale Yehova ohoumbuwelaga mmirimani mwaye ira: <<Miyo kannafuna mukuwa Abarahamu mabasa nnafuna miyo laba muSodoma.

Jenesesi 31:42

Ahakalaga Mulugu wa makolo aga, Mulugu wa Abarahamu na Mulugu owopiha wa babaga Izaki adikamiheda, nyo peno mwadihiya didowege eno manda ve. Mbwenye Mulugu uhuona goyi daga na mabasa dalaba miyo, mwa eno, nzilo ora ya mahiyu, liye usumululani.>>

1 Amwene 18:36

Evale yagafiyile ora yovelela mikuto da tchiguwoni, namafiyiheda Eliya ohozaga vaibuwani vaye, liye wonga eraga: <<Yehova Mulugu wa Abarahamu na Izaki na Izarayeli, kavioniheni peno ira nyo muli Mulugu muwari mwa aIzarayeli eto muonihe peno ira miyo dili namalaba wenyu eto muonihe ira miyo diirilena jatene jeji muwari morumiwa na nyo.

1 Amwene 8:57

Yehova Mulugu wehu akale na hiyo na makalelo nnga ali liye na ababihu. Kanihiye eto kaninyanyale.

1 Koronika 29:10

Na mwasa wenne, Davi ohomutamalela Yehova vamentoni va atu atene eraga: <<Otamaleliwa kala no kala akale nyo Yehova Mulugu wa nikolo nehu Izarayeli.

1 Koronika 29:13

Mwa eno, hiyo nnoutamalelani nyo Mulugu wehu eto nnoriheda nzina nenyu notitimihiwa.

Ezodu 3:15

Mulugu ohowongave na Mozeji liye ira: <<Wadowa, waawandele Ana Izarayeli, were: <Yehova wenno unafwanyeya agali Mulugu wa makolo enyu, Mulugu wa Abarahamu, Mulugu wa Izaki na Mulugu wa Jako gudirumile za wa nyo.> Tchoira nzina neno ti nzina naga nohomala. Eto ti nzina nnafuna miyo umbuweliwagana na atu anabaliwelegemo musogolro.

Izaiya 12:1

Siku neno kada mutu muwari mwa nyo unoza awongege ira: <<Nnoutamalelani so Yehova, tchoira mwagaditakaleliwile, takaleliwa wenyu wohofiyeda mala. Eto muhuwanda dilimbiha.

Daniyeli 1:17

Fwanyeya ira va azombwe annayi ala, Mulugu ohavaha zelru no iziwetchetcha zela yolremba ili yatene no nonelamo watene. Eto Mulugu ohonvaha mulombwana Daniyeli iwandelo yotapulela joona na joroha jatene.

Daniyeli 2:18

Eto ohawandelaga afwaye ale ira: <<Inafwanela mulobelege wa Mulugu wa zulu munvepaga ira aniwendele tangaranga hiyo vano eto anionihe yotapulela ya yoroha yokoyeya ile ira hiyo nahakwe vamohi na aliba toto amohiwa a ilambwela ya Babiloniya!>>

Matewuji 11:25

Mwa tempu yenne Yesu ohowonga eraga: <<Miyo nnoutamalelani nyo Babani, Mwinnya wa ilambo ya zulu na ilambo ya vati, mwasiwa nyo muhuwanda koya jengo jeji ira aliba zelru na aliba onelramo kahawande iziwa. Mbwenye muhuwanda aiziwiha ahima ang'onong'ono.

Lukaji 10:21

Mwa ora imohive yenne Yesu muwari mwa Munemba Otchena ohagalalaga, liye roma lobelaga eraga: <<Miyo nnoutamalelani nyo Babani, Mwinnya wa ilambo ya zulu na ilambo ya vati, mwasiwa nyo muhuwanda koya jengo jeji ira aliba zelru na aliba onelramo kahawande iziwa. Mbwenye muhuwanda aiziwiha ahima ang'onong'ono. Babani na ibaribari wewo ku funa wenyu ira muirena.>>

Juwawu 11:41

Evale kohulagawo kabiribidulaga nibwe nne. Mwa enne Yesu ohoing'anaga zulu, liye ira: <<Babani, nnoutamalelani mwasiwa muhudivwa.

Juwawu 15:15

<<Roma peno miyo kannauitanegeni anamalabaga. Nnauitanegeni afwaga mwasiwa namalaba kanaiziwa jatene ja mbwiyaye. Nyo mbwenye, jatene jidiwandenle Baba, dihimala uiziwihani.

Jowandeliwa 1:1

Ji ti jowandeliwa ja Yesu Kiristu jejo janvahile Mulugu ira adowe aaonihe anamalabaye zela jengo jinafuna ireya tchineneva. Mwa enne Yesu ohotukula mazwala, liye nvaheda mungelro waye ira aze amuonihe namalabaye Juwawu.

Jowandeliwa 5:5

Mbwenye mundimuwa mmohi afwanyeya muwari mwa andimuwa 24 ale, ohodiwandelaga eraga: <<Weyo kunle. Kaing'ana, Podogoma wa nlogo na Juda, wenno ukumenle Mutchitchini wa Davi, uhumala gondjiha. Nona liye gunafuna wanda za twavo jofungihana tanu na mbinli jidindiwevo ira awande hula livuru nne.>>