Daniyeli 2:22 - Mazu Otchena a Mulungu

²² Liye unowanda oneyiha jengo jorutcha na jengo jokoyeya. Liye uhumala iziwa jatene jinafwanyeya muisini eto liye tempu yatene unawenda no wareya!

Daniyeli 2:22 Iomraidhean Croise

Jenesesi 41:16

Joze ohomurumela Farawu eraga: <<Unafuna wanda tapulela joroha jenyu kahi miyo. Mbwenye Mulugu gunafuna uwandelani yotapulela iwa mwapama, so mwene.>>

Izaiya 41:22

Muze uno ira muniwandele jinafuna ireya sogolro. Muze muniwandelemo jengo jiireyile malambo a mundulrimu ira niwande jiumbuwela eto ira niiziwe jotapulela jiwa. Owu hehi muniwandele ja sogolro.

Izaiya 41:26

Bani aromile wonga jatene eji ira hiyo niiziwe? Bani aromile niwandela eji jahanaireye ira hiyo niwande wonga ira: <He, liye uhuwanda wonga ja sogolro.>? Kalivo nne mmohi awongile. Kalivo nne mmohi aromile niwandela ja sogolro. Eto kalivo avwile mazu a nyo amilugu.

Izaiya 42:9

Kaing'anani, jengo jawongile miyo jahanaireye jihimala ireya mwa ibaribari. Miyo nnouwandelani jengo jixa. Eto jengo jili jahanaireye, miyo nnovayela uiziwihani.>>

Izaiya 45:7

Miyo nnosakanya moneya eto nnopandutcha isi. Miyo nnoziha murendele eto nnopandutcha ubure. Miyo dili Yehova wenno unairana jatene eji.

Daniyeli 2:11

Yengo inafuna nyo so mwene tchi yengo irutchile eto kaliwo unafuna uwandelani yoroha yenyu, ahali amilugu, anno kahanawenda na hiyo atu!>>

Daniyeli 2:19

Mahiyu a siku nenne Daniyeli ohoonihiwa jengo mmuruni mwaye, liye wandeliwaga yoroha yokoyeya ya mwene ule. Agawandeliwe, ohomutamalelaga Mulugu wa zulu.

Daniyeli 2:47

Evale mwene ule ohowongaga na mulombwana Daniyeli eraga: <<Na ibaribari Mulugu wenyu gu Mulugu wa amilugu atene eto gu Nabwiya wa amwene atene. Liye eto unowanda awandela atu jengo jokoyeya! Mwasiwa peno weyo uhuwanda diwandela yengo yohowanda iziweya!>>

Daniyeli 5:11

Mwasiwa muumweneni mwenyu ukalamo mulombwana mmohi unna munemba wa amilugu otchena. Eto liyene tempu yatongetcha babinyu Nabukodonozore, mulombwanoyo ooneya nnga mutu ozaleliwa wareya na toto, no iziwetchetcha, nnga iziwetchetcha wa amilugu. Eto babinyu, mwene Nabukodonozore ohowanda muhambiha liye kala mundimuwa wa ang'anga okwima, aliba ing'ana jomoneya ja zulu, aBabiloniya owonga ja sogolro, aliba visangwisangwi.

Daniyeli 5:14

Miyo nnovwetcha kawongaga zela weyo ira munemba wa amilugu uli na weyo eto nnovwetcha ira weyo unofwanyeyana wareya, iziwetchetcha, na zelru dohokala da masika.

Matewuji 13:13

Na mwasa wenno miyo nnaawandela mwa jofwalrafwaniha ira aliwa masiki kaganna meso, kaing'anaga, kahawande ona eto kagannave mabaru, kavuruwanagave, kahawande vwa nne kahawande onelramo inawonga miyo.

Juwawu 1:9

Moneya wa ibaribari wewo wafuna za mwilamboni ira waamoneye atu atene.

Juwawu 21:17

Noira eno, Yesu ohowelela nfuka akoka fendo yaneraru eraga: <<Simawu mwana Juwawu, kodi weyo unodiziveliwa?>> Evale Peduru ohokala okumbanyene na mwasa ofukiwa na Yesu yengo imohive fendo taru ira: <<Kodi weyo unodiziveliwa?>> Mwa enne ohorumela eraga: <<Nabwiya nyo muhuiziwa jatene eto muhuiziwa ira miyo nnouziveliwani!>> Evale Yesu ohomuwandela eraga: <<Waadjihege mabilaga!>>

Juwawu 8:12

Yesu ohowelelagave wonga na aJudewu eraga: <<Miyo dili moneya wa ilambo ya vati. Ule unadihara, kanawenda na isi, unokana moneya wewo unavaha ingumi.>>

1 Korinto 4:5

Nona kakalevo mutu unafuna nitonga hiyo anamarumiwa zela jengo johooneya tempu yahanafiye, Nabwiya ahanaze. Tchoira aza, liye gunafuna vitula jengo johooneya jejile jaireya muisini eto unokumiha vatando joumbuwela ja kada mutu. Pa evale vanafuna za Mulugu mutambilriha kada mutu upama wenno unafuna liye vahiwa.

Efezo 3:5

Wanle atu tchawandeliwe zela yengo yokoyeya zela Kiristu na makalelo matene nnga tempu ili hiyo ila. Tchoira tempu ili hiyo ila, muwari mwa Munemba Otchena, Mulugu uwanda aiziwiha anamarumiwaye otchenihiwa na anamafiyihedaye otchenihiwa ibaribari yaikoyile liye roma wanle.

Detoronomiyo 29:28

Yehova uhadula mwilamboni mwewa na uwali, no takaleliwa wohokala wa masika vamohi no anyanyala, liye dowa atatilela ilambo imohiwa nnga munaonela hiyo peno.>

1 Timoteyo 6:16

Mulugu eka gwahanakwa, gunakala muwari mowareya undimuwa wewo wahanawanda fiya mutu. Kalivo umuonne eto kalivo unawanda muona. Inafwanela liye ateteliwe, utongi watene ukale na liye kala no kala. Ame!

Eberewu 4:13

Mwa jatene jejo jipandutchiwe, kilivo yengo ili yokoyeya vamentoni va Mulugu. Mbwenye jatene jili vaheno vene, jatene jinnana oniwa na wenno unafuna hiyo za muwandelagamo jatene jiirile hiyo.

Tiyagu 1:17

Inafwanela muiziwe ira yengo ili yatene yapama, yengo ili yatene yokwakwanela tchi yengo yokumela zulu, wa Baba wenno upandutchile moneya watene, Baba wenno ahanatchindjeya eto ahanasusa nnga vini nfulri asusaga.

1 Juwawu 1:5

Muselu aniwandenle liye, ali oira Mulugu gu moneya eto muwari mwa liye kamuli isi nne vang'ono. Nagavwile muselu wenno, gwenno unaulaleyani hiyo nyo.