Daniyeli 2:21 - Mazu Otchena a Mulungu

²¹ Liye unowanda tchindja matempu eto unowanda tchindja makalelo a ilambo. Unowanda abwanyula amwene, liye agweliha vampandoni atu amohiwa ira kakale amwene. Liyene gunawanda avaha toto atu a toto eto unowanda avaha onelramo atu anne anaonelramo.

Daniyeli 2:21 Iomraidhean Croise

1 Amwene 10:24

Atu a mwilamboni ya vati yatene kazetcha wa Salomawu kanvepaga ira kavuruwane zelru dedo danvahile Mulugu.

1 Amwene 3:28

Jagaireyile enne, aIzarayeli atene kohovwaga zela makalelo atongile mwene Salomawu mulandu wenne. Mwa enne kagavwile, kohoroma muriheda valukulu, tchoira kohowanda ona ira Mulugu uhunvaha zelru ira awandege tonga mwa ibaribari.

1 Amwene 4:29

Mulugu ohonvaha mwene Salomawu zelru, no onelramo wohokala wa masika, na toto didjindji nnga miseva da mutcherelani mwa bara.

1 Koronika 22:12

Yehova Mulugu wawo, akale wenno unafuna uvaha zelru no onelramo, ira wakala mwene wa Izarayeli, utongege mohara malamulo aye.

1 Koronika 29:30

Muhulrembiwa eto miselu datene dowonga zela umwene waye, kopolo daye datene, jatene jamuireyele na jatene jaireyile Izarayeli na maumwene a vilambo dimohi diwa dowandamana. Kukala mazu a livuru na 1 Koronika.

Ezodu 31:3

Eto dihimuzaliha Munemba waga ira akayena dodolriso no onelramo na zelru vamohi na toto dolaba mabasa ali matene,

Ezodu 31:6

Eto dihimusakulra mulombwana Aoliyabe mwana Ayizamaki, wa nlogo na Dani ira alabege vamohi na liye. Eto dahavaha iwandelo alombwana atene okana dodolriso na wanle ira kasakanye jatene jiurumile miyo, jinafwanyeya jagali ji:

Daniyeli 1:17

Fwanyeya ira va azombwe annayi ala, Mulugu ohavaha zelru no iziwetchetcha zela yolremba ili yatene no nonelamo watene. Eto Mulugu ohonvaha mulombwana Daniyeli iwandelo yotapulela joona na joroha jatene.

Daniyeli 10:1

Yaka yaneraru yatonga Siru mwene wa Perisiya, Daniyeli wenno unaitaniwa na nzina na Beltesazare, ohowandeliwaga mazu. Mazu awandeliwe liye ali mazu a ibaribari owonga zela kondo ilukulu. Liye ohovwaga mazu matene eto ohowanda onelramo yotapulela ya jejo jaonihiwe liye.

Daniyeli 11:6

<<Vagamanle yaka dingasi dingasi, mwene wa suli na mwene wa norti anoza kasakanye yopangana yowandana. Mwene wa suli mwanaye wa muhiyana unodowa ateliwe na mwene wa norti ira vwanana wewa ukale wolimba wene. Mbwenye kavinawandeya mwasiwa mwana muhiyanole kopolo daye nnomala eto unoza agulihiwe ira apiwe. Eto mwene wa suli kopolo daye kannasusa. Roma muhiyanole, dowa ale kanvelela nari muhiyanole babaye nari wenno amulimbihetcha malambo anne, atene anagomela piwa.

Daniyeli 2:20

Liye ohomutamalelaga awongaga eraga: <<Nzina na Mulugu nitamaleliwe malambo matene a mukalakala. Mwasiwa toto na kopolo nnakumela wa liye.

Daniyeli 2:23

Nyo Mulugu wa makolo aga, nnoutamalelani eto miyo nnoutetelani mwasiwa nyo gudivahile toto na kopolo! Eto peno muhuwanda diiziwiha yenno yuvepileni hiyo. Tchoira muhuwanda niiziwiha muselu wa mwene!>>

Daniyeli 2:9

Nyo mwahawande diwandela yoroha yaga, makalelo anafuna miyo utongani dihimala uwandelani. So miyo nnaona ira nyo atene muhumala panganela mazu abure, mazu onama ira muzena vamentoni vaga, fiyeda ditchindje youmbuwela yoira dupeni. Na mwasa wenno inafwanela mudiwandele yoroha yaga ira miyo dikayena ibaribari ira nyo munowanda itapulela!>>

Daniyeli 4:14

Liye azaga okuwaga eraga: <Nnafuna mugwihe mutengoyo, amala mutaze tambi daye do, muvaretche matakuru anafwanyeyana liye eto mutikinyemo ira jovaha jatene jinna liye jimoremo. Eto anavinyama a mukokolani anafwanyeya vati va mutengoyo kabalaleyevo eto mbalrame nnafwanyeya mutambini muwa dikumemo.

Daniyeli 4:17

Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >>

Daniyeli 4:22

mutengole unafwanyeya agali nyo so mwene. Mwasiwa nyo muhulukula eto muhulimba. Undimuwa wenyu uhuulukula ante uhufiya zulu. Eto utongi wenyu uhufiya ante mwemo mugomenle ilambo yatene ya vati.

Daniyeli 4:32

Weyo unotamangihiwavo vari va atu ira udowe wakalege na anavinyama a mukokolani eto unerege dja malatchi nnga ng'ombe, ante vimale tempu tanu na mbinli, fiyeda uwande iziwa ira Wenno Ukwaranyile Jatene uhukana utongi zela umwene wa atu mwilamboni ya vati eto unanvaha mutu wenne unanfunana liye!>>

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Lukaji 21:15

Mwasiwa miyo nnoza duvaheni mazu no onelramo wewo amwidaninyu kahanawande atu runiha nne konda.

Roma 13:1

Inafwanela mutu uli watene anvwelelege guverno wenno unamutonga. Tchoira kavali utongi wahanazela wa Mulugu. Unaruma ira mwilamboni mukale aguverno otonga gu Mulugu.

1 Korinto 1:30

Zela nyo mbwenye, Mulugu uhuvahani ingumi muwari mougumanihani na Yesu Kiristu. Mulugu eto usakanya ira Kiristu akale zelru dehu na upama wehu, nitchenihiwe muwari mwa liye eto niwomboliwe muwari mwa liye.

Tiyagu 1:17

Inafwanela muiziwe ira yengo ili yatene yapama, yengo ili yatene yokwakwanela tchi yengo yokumela zulu, wa Baba wenno upandutchile moneya watene, Baba wenno ahanatchindjeya eto ahanasusa nnga vini nfulri asusaga.

Tiyagu 1:5

Akala muwari mwa nyo ukalamo mutu unaona ira: <<Miyo dihaleliwa zelru zela inafuna miyo ira>>, mutu wenno inafwanela anvepe Mulugu wenno unaavaha atu atene na manda menli ahaanyanyuwelaga. Era eno, Mulugu unonvaha.

Jowandeliwa 19:16

Vakapani vaye na vatambalani vaye vihilrembiwa nzina noira: Mwene wa amwene na Nabwiya wa anabwiya.