Daniyeli 2:2 - Mazu Otchena a Mulungu

² Mwa enne liye ohaitanaga ang'anga okwima, aliba visangwisangwi, aliba lowa na aBabiloniya owonga ja sogolro ira kaze kamuwandele mwene joroha jaye. Evale aliwa kohozaga, aliwa fiya vamentoni va mwene Nabukodonozore.

Daniyeli 2:2 Iomraidhean Croise

Jenesesi 41:8

Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

Ezodu 7:11

Eto Farawu agaonne enne, na liyene ohaitana ang'anga okwima. Muwari mwa ang'anga okwima ale, amohiwa kali oiziwa mirombwe, amohiwa kali aliba lowa a muIjipitu mule. Kagazile, na aliwene kohosakanya jimohive muwari mwa masenga ewa.

Izaiya 19:3

AIjipitu anokala lohulo. Nnoza dinonge zelru diwa. Evale anodowa kavepege zelru vikwamutu josema na aliba lowa, na aliba manyanga vamohi na aliba tapanya na azimu.

Izaiya 8:19

Eto atu kauwandelani ira: <<Mudowe mwaafuke aliba wombeza makanga na aliba tapanya na azimu na akwiri anno anawongela muwari muwari eto ananong'ona>>, kodi nyo kamunna zelru donvepa Mulugu wenyu? Kodi vinowandeya afukaga ale kakwile ira kaakamihede ale kaliwo?

Daniyeli 1:20

Fendo datene mwene afuka liye zela yengo ili yatene yafuneya ira ilabiwena zelru nari iziwetchetcha, mwenole ofiyeda ona ira atu annayi ale kohokana toto didjindji akwaranya ang'anga okwima atene na aliba visangwisangwi atene kafwanyeya muumweneni mwaye.

Daniyeli 1:4

azombwe ohokana yotakala ili yatene, maningo ewa matene, azombwe oriya, ofundjetchetcha, oiziwetchetcha, oonelramo na a toto, ofwanela kala na miyo palasiyoni waga. Aliwa kafundjihiwe wonga no lremba uwa wene iwongelo ya aBabiloniya.>>

Daniyeli 2:10

ABabiloniya ale kohomuwakulaga mwene Nabukodonozore, aliwa ira: <<Mwilamboni mwatene ya vati kalimo mutu nne mmohi unawanda irana yenno inawonga nyo. Eto kaliwo mwene mmohiwa mundimuwa wa kopolo ubabihile irana jokala ha jejo, aaruma ang'anga okwima, aliba visangwisangwi, nari aBabiloniya owonga ja sogolro para kamuwandele jirohile liye.

Daniyeli 2:27

Daniyeli ohowakulaga, liye ira: <<Kalivo unawanda wonga yengo yokoyeya nnga munafuna nyo so mwene. Nne atu okana toto, nne aliba visangwisangwi, nne ang'anga okwima nne aliba ing'ana jomoneya ja zulu!

Daniyeli 3:8

Mwa tempu yenne kohokalawo aBabiloniya amohiwa kazilege, aliwa roma wonga mazu abure zela aJudewu.

Daniyeli 4:3

Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!

Daniyeli 4:6

Na mwasa wenno dohokumiha nlamulo ira aliba toto atene a Babiloniya kaze ira kawande diwandela yotapulela ya yoroha yaga!

Daniyeli 5:7

Evale mwenole oharumaga atu mokuwa eraga: <<Kabaranyani tchineneva, mwaadowele aliba ing'ana jomoneya ja zulu, aBabiloniya owonga ja sogolro, na aliba visangwisangwi!>> Evale aliwa kagadoweliwe, mwenole ohawandelaga aliba toto a Babiloniya ale eraga: <<Mutu wenne unawande ileri yenno ilrembiwe va eto awanda diwandela yotapulela iwa, unowarihiwa jowara ja usalru wa kore ya musuzu wa bwanda, agali usalru wa peresu yokwima eto unowarihiwa kolare wa oru munikohini mwaye eto unokala mundimuwa waneraru muumweneni mwaga.>>

1 Samuweli 6:2

Evale aFilistewu kohaitanihaga anamakuta ewa na aliba wombeza. Evale kagazile, kohafukaga, aliwa ira: <<Hiyo nnafuna nitukule Kaxa ila ira nivelele wa annya mwasiwa inosimbwa nizuzumiha. Kodi makalelo bavi anafuna hiyo velela Kaxa ya Yehova ila?>>