Daniyeli 2:19 - Mazu Otchena a Mulungu

¹⁹ Mahiyu a siku nenne Daniyeli ohoonihiwa jengo mmuruni mwaye, liye wandeliwaga yoroha yokoyeya ya mwene ule. Agawandeliwe, ohomutamalelaga Mulugu wa zulu.

Daniyeli 2:19 Iomraidhean Croise

Daniyeli 1:17

Fwanyeya ira va azombwe annayi ala, Mulugu ohavaha zelru no iziwetchetcha zela yolremba ili yatene no nonelamo watene. Eto Mulugu ohonvaha mulombwana Daniyeli iwandelo yotapulela joona na joroha jatene.

Daniyeli 2:22

Liye unowanda oneyiha jengo jorutcha na jengo jokoyeya. Liye uhumala iziwa jatene jinafwanyeya muisini eto liye tempu yatene unawenda no wareya!

Daniyeli 4:26

Eto zela yenno yawongiwe ira kahiye nigodo niwa na mitchitchi diwa dene da mutengole, ku wonga mwagamanle iziwa ira uhukalawo uli zulu unautongani, umwene wenyu unouwelelani.

Daniyeli 4:9

Miyo ira: <<Mulombwana Beltesazare weyo uli mundimuwa wa ang'anga okwima atene. Duitanne mwasiwa miyo dihiiziwa ira munemba wa amilugu otchena uli muwari mwa weyo eto kilivo yengo yokoyeya inaurutcha. Miyo nnafuna duwandelemo jengo jionihiwe miyo mmuruni mwaga muwari moroha ira uditapulele. Jengo jionihiwe miyo ti ji.

Daniyeli 7:2

Mulombwana Daniyeli ohowongaga eraga: <<Miyo dohoonaga jengo mmuruni mwaga na mahiyu. Miyo daonnege nipevo nokumela zulu niombaga pandi dannayi dene da ilambo, nibubudaga mahindje matene a bara indimuwa.

Daniyeli 7:7

Jagaireyile eno, miyo dohowelela diing'anagave muwari mwa jengo jaonne miyo mmuruni mwaga na mahiyu. Muwari moing'ana dohomuonaga mwanainyama wanennayi owopiha na makalelo ohokala a masika, orendjetcha, okana kopolo dohokala da masika anna meno malukulu a momba. Liye otakuna eto ogwadanya eto jimohi jahala, onyingalela na manyalo aye. Mwanainyamole mbwenye ali ohiyana na anavinyama araru amohiwa ale eto ohokana manyanga kumi.

Jozuwe 22:33

Kagawongile enne, Ana Izarayeli atene kohoona ira tchapama. Aliwa kohoroma mutamalela Mulugu eto joumbuwela janna atu ira kadowe kawane na akuda Rubeni na akuda Gadi, katolotche ilambo yewa, joumbuwela jejo johomala.