Daniyeli 12:8 - Mazu Otchena a Mulungu

⁸ Miyo dagali mulombwana Daniyeli dohovwaga jejo jadiwandenle liye, mbwenye kadawandile onelramo. Na mwasa wenno dohofuka miyo ira: <<Mbwiyeni, kodi jatene jeji jinaza jimale na makalelo bavi?>>

Daniyeli 12:8 Iomraidhean Croise

Daniyeli 10:14

Eni miyo dizele ira dutapulelemo jatene jinafuna aireyela mulogo wawo malambo ogomiheda. Mwasiwa jejo jinaonihiwa we ti jengo jinafuna ireya musogolro vagamanle malambo madjindjene.>>

Daniyeli 12:6

Noira enne, muwari mwa angelro ambinli ale, mmohi ohonfuka mulombwana wenno awarilege jowara josakanyiwa na usalru wapama ule, wenno ali vazulu va mahindje a muhindje ule ira: <<Kodi jotikiniha jatene jeji jaroma, ira jimale, vinamala tempu nngasi?>>

Daniyeli 12:7

Mwa enne pavwile miyo mulombwana wenno awarile jowara josakanyiwa na usalru wapama ule, wenno afwanyeyaga vazulu va mahindje a muhindje ule. Liye ohovenyihaga muwono waye odjana na oromana liye ing'aniha zulu, liye lumbela ira: <<Miyo nnolumbela na nzina na wenno unakalawo malambo a mukalakala ira jeji jinaireya muwari mwa tempu imohi, na matempu menli eto na tempu ya metadi, atu otchenihiwa tempu yewa yoharahariwa yamala. Era eno pa evo vanafuna kwakwanela jatene jeji!>>

Daniyeli 12:9

Evale liye ohodiwakulaga eraga: <<Daniyeli kamaruwa udowe. Mwasiwa mazwala ba mazu okoyeya eto kohofungeliwa ira ahakalevo mutu mmohiwa unafuna iziwa fiyeda malambo ogomiheda.

Daniyeli 8:13

Noira eno, dohovwaga mutu mmohi otchena awongaga. Evale mutu otchena mmohiwa ohonfukaga wenno awongaga, liye ira: <<Kodi jengo jionihiwe nfwihu zela goma wa mikuto dotumeya da malambo matene eto yotega yomaliha mabasa a Nyumba ya Yehova eto nyumbele na nikuru na zulu jinyingaliwaga, jatene ejo jinafuna jimale malambo mangasi?>>

Lukaji 18:34

Anamamuharaye mbwenye tchaonenlremo jawongile Yesu. Yotapulela ya mazwale yaligi yengo yokoyeya. Aliwa tchawanda onelramo jawongaga liye jile.

Juwawu 12:16

Mbwenye anamamuharaye tchawandile onelramo ira jejile jakwakwaneliheda mazu kalrembiwe wanle. So kazile onelramo Yesu agadowile zulu, agatitimihiwe. Mwa enne paiziwile atu ira: <<Jatene jalrembiwe wanle jamuwonga liye eto ti jejo jamuireyele.>>

Joira ja Anamarumiwa 1:7

Liye ohawandela ira: <<Baba mwa kopolo daye, umala hela tempu na malambo ira jatene ja sogolro jiireyege. Jejo jaye, kahi jenyu ira muiziwe.

1 Peduru 1:11

Na mwasa oira Munemba wa Kiristu ali muwari mwa aliwa, kohofiyiheda mazu a Mulugu kawongaga zela makatamiho afuna Kiristu ona na upama wafuna liye watchela magomelo wa goyi danna liye. Aliwa eto mutuwa kamuwonga atu tchawandile muiziwa. Evale aliwa kohosakasaka ira kaiziwe ira: <<Kodi mutu guvi unafuna za eto tempu tchivi inafuna liye fiya?>>