Daniyeli 12:4 - Mazu Otchena a Mulungu

⁴ <<Mbwenye weyo Daniyeli kumuwandele mutu zela mazwala. Inafwanela ulrembe mulivuruni, amala ufungihe ira jikale jofungeya jene ante mamalelo wa tempu. Adjindji anerege tamanga kadowaga wu na wu eto onelramo unoza uwendjedeye.>>

Daniyeli 12:4 Iomraidhean Croise

Izaiya 11:9

Kaviza vikala yengo yoporotcha owu yengo yomunonga mutu va mwango otchena watene wa Mulugu, mwasiwa atu atene a mwilamboni ya vati makalelo anafuna atu muiziwa Yehova anokala nnga makalelo mahindje anazala atu bara.

Izaiya 29:11

Jatene eji jionihiwe nyo jili nnga mazu a livuru nofungeya. Livuru no kanvaha mutu owanda ileri ira aileri, unowonga ira: <<Miyo kannawanda ileri mwasiwa nili nofungeya nene.>>

Izaiya 30:26

Mwedi unoza amoneye pama nnga nzuwa. Eto nzuwa nnoza nimoneye fendo tanu na mbinli kwaranya jinakaletcha atu. Jeji jinoza jiireye siku nnafuna Yehova pota eto voliha vilonda no maliha kumbanya waavahile liye atwaye muwari moatwarutcha.

Izaiya 32:3

Evale meso a atu oona kiza kafungeya. Eto mabaru a atu ovwa anokala oreyene.

Izaiya 8:16

Umangihe pama umboniyo. Ufungihevo mafundjihelo ala ira kakale na anamadiharaga.

Daniyeli 10:1

Yaka yaneraru yatonga Siru mwene wa Perisiya, Daniyeli wenno unaitaniwa na nzina na Beltesazare, ohowandeliwaga mazu. Mazu awandeliwe liye ali mazu a ibaribari owonga zela kondo ilukulu. Liye ohovwaga mazu matene eto ohowanda onelramo yotapulela ya jejo jaonihiwe liye.

Daniyeli 10:14

Eni miyo dizele ira dutapulelemo jatene jinafuna aireyela mulogo wawo malambo ogomiheda. Mwasiwa jejo jinaonihiwa we ti jengo jinafuna ireya musogolro vagamanle malambo madjindjene.>>

Daniyeli 11:33

Atu okana zelru anoza kaaonelrihedemo afwiwa ibaribari, mbwenye mwa malambo mangasi mangasi anoza kapiwe na supada nari katatileliwe mmunloni, owu hehi kahindiwe kadowiwena ilambo imohi, owu hehi anoza kabeliwe jengo jiwa jatene.

Daniyeli 11:40

<<Mbwenye yafiya tempu yogomiheda, mwene wa suli unovenya ira adowe awane na mwene wa norti. Evale mwene wa norti unoza amaruwe nnga nalripembezu na aaterelado a kondoni, atu owendiha kavalo vamohi na mwadeya doindjiva dene, kamugondjihe mwene wa suli ule eto kabwanyule vilambo dohiyana-hiyana nnga jinaira mahindje kabwanyulaga jengo.

Daniyeli 12:13

Mbwenye weyo Daniyeli ukaleve ororomeleya ante makutulo. Weyo unovuma vuma wa ukwa, mbwenye mamalelo wa malambo unoza uvenye, uwatchele yotambilra yawo.>> Kukala mazu a livuru na Daniyeli.

Daniyeli 12:5

Noira enne, miyo Daniyeli dohoing'ana. Dagaing'anne, daaonnege angelro amohiwa ambinli kagaimenle, mmohi aligi tcherela ya muhindje ya wu, mmohiwa tcherela ya muhindje mmohive wenne pandi ya wu.

Daniyeli 12:9

Evale liye ohodiwakulaga eraga: <<Daniyeli kamaruwa udowe. Mwasiwa mazwala ba mazu okoyeya eto kohofungeliwa ira ahakalevo mutu mmohiwa unafuna iziwa fiyeda malambo ogomiheda.

Daniyeli 8:17

Mwa enne Gabiriyeli ohozaga adiwandamelaga vevo vaimenle miyo. Evale miyo dagamuonile, dohokagana ova wohokala wa masika eto dohogwelaga vati na koveni. Mbwenye liye ohodiwandelaga eraga: <<Kavuruwana we mwana wa mutu. Inafwanela uiziwe ira jejo jionihiwe we, jinawonga zela tempu yogomiheda!>>

Daniyeli 8:19

Eto ohodiwandelaga eraga: <<Kaing'ana. Miyo nnafuna duiziwihe uwali wa Mulugu unafuna za ireya malambo ogomiheda! Mwasiwa jeji jinafuna jize jiireye malambo ogomiheda nnga mwabalrele Mulugu wanle!

Daniyeli 8:26

Eto zela ja mahiyu na ntana okwakwana 2.300 uwandeliwe we, tchi yengo ya ibaribari. Weyo mbwenye kumuwandele mutu uli watene zela jeji. Mwasiwa jeji kahi jengo jinafuna ireya tchineneva. Jinaireya malambo madjindji a sogolro.>>

Matewuji 24:14

Eto Muselu Wapama ula wa muUmweneni unolaleyiwa mwilamboni mwatene eto unohidedeliwa umboni mwa malogo matene. Jaireya eno, pinafuna zaga makutulo.>>

Roma 10:18

Va nnafuna difuke. Kodi aJudewu kivwile Muselu Wapama zela Kiristu? Na ibaribari kohomala vwa. Nizu na anamalaleya nihimala vweya mwatene mwene. Kalaga nnga mulrembiwele atu mMazuni ira: <<Nizu newa nihimala vweya mwilamboni mwatene ya vati. Jowonga jewa jihimala fiya pakana magomo wa ilambo.>>

Jowandeliwa 10:4

Mwa enne ndari tanu na mbinli dile dagarumile, miyo dohofunaga joira dirome lremba jejo javwa miyo muwari mwa ndari dile, mbwenye zulu wohokumela nizu nawongilege, nidiwandelaga ira: <<Uhiye jejo jiwongile ndari dile ira jikale jokoyeya. Kulrembe!>>

Jowandeliwa 22:10

Evale mungelrole ohodiwandela ira: <<Kukoye mazu ofiyiheda anafwanyeya muwari mwa livuru ni. Inafwanela waawandele atu kavwe. Mwasiwa tempuwa ihanle vang'ono.

Jowandeliwa 5:1

Mwa enne dagaing'anne ndanda nodjana na wenno agaratile mpando wa umwene ule, mmandani mwaye dohoonagamo livuru navindiwe, nagali nolrembeya muwari na unde eto nafungihiwe na jofungihana tanu na mbinli, jejo jaire dindiwavo.