Daniyeli 11:34 - Mazu Otchena a Mulungu

³⁴ Atu a Mulugu ale muwari moharahariwa mule, kohokalawo atu amohiwa anafuna akamihedaga vang'ono. Eto muwari mwa aliba akamiheda mule, amohiwa anaakamihedege mokana yolringa yewa.

Daniyeli 11:34 Iomraidhean Croise

Daniyeli 11:21

<<Vamalroni vaye, unozavo mwene mmohiwa wabure, agali mutu ohofwanela vahiwa umwene. Mbwenye unoza atukule umwene morurumutcha eto muwari monyenga.

Daniyeli 11:32

<<Na mwasa wa mazu otapilra anafuna mwene wa norti wongaga, unowanda akana atu anno anaviringaniha yopangana ya Mulugu. Mbwenye atu anne anamuiziwa Mulugu wewa anoza kakale oimelene eto anoza kawane na liye.

Matewuji 7:15

<<Polre polre zela anamafiyiheda onama. Aliwa anoza wa nyo kagawarile matembe a mabila, mbwenye muwari muwa anafwanyeya kagali anambwa a mukokolani otolotcha.

Roma 16:18

Mwasiwa aliwa vinalaba atu, kinalaba ja Nabwiya wehu Kiristu. Analaba jofuna jiwa. Analaleya joziva ira mutu avwa, avitukulelege. Moira eno, anoanyenga atu ale kali kahanaiziwe ibaribari.

Galasiya 2:4

Mbwenye kohokalamo atu amohiwa kavioniheda nnga abalihu omuroromela Yesu agali aliwa kere zembelamo ira kaone kutchiwa wa hiyo atu nnafwanyeya muwari mwa Kiristu, amala kanitukule, kaniwelihede muuzarini mwali hiyo.

2 Timoteyo 4:3

Tchoira ikala tempu inafuna za ira atu kahabalrege mafundjihelo a ibaribari. So aliwa anakayegena mabaru oavuruwanana anamafundjiha atene anno anarumeliha jofuna jiwa, aliwa atamangelaga anno.

Titu 1:11

Inafwanela aansiyawu kawande amiyaliha, mwasiwa aliwa anovenya roma nongaga mavande ompumbula, aliwa fundjihaga jengo johofwanela. Eto aliwa kafundjihaga, so anahara kobiri bahi.

1 Juwawu 4:1

Afwaga oziveliwiwa, kamurumelege jowonga jatene jinawonga atu. Mbwenye muromege xefwa jowonga jiwa ira muwande iziwa akala jinakuma wa Mulugu owu hehi. Tchoira kohokalawo anamafiyiheda onama oindjiva anawenda mwilamboni balala balala.

1 Juwawu 4:5

Anamafiyiheda onama ale ba atu okuma mwilamboni, nona aliwa anawonga jengo ja ilambo eto atu a ilambo anovuruwana jowonga jiwa.

2 Juwawu 1:7

Tchoira kohokalawo anamanyenga oindjiva anabuwa mwilamboni ya vati anno kahanaroromela ira Yesu Kiristu uzile muwari mwa maningo. Mutu uli watene unawonga ejo gu mutu onyenga eto gu namamwida Kiristu.

Judaji 1:4

Tchoira kohokalawo atu abure kavolowile muwari mwa nyo mozemba, anno kalrembiwe maziniwa wanle ira kaze kamangiwe mulandu, anafwanyeya kagali atu ohoirana ja Mulugu, atu anatukula sayi da Mulugu, aliwa futukulaga ira sayi dile dikale dugumento niwa ira kairege joraruwa jiwa. Eto ba atu omuruniha Mbwiye mmohive unna hiyo, wenno uli Nabwiya wehu Yesu Kiristu.

Jowandeliwa 12:13

Daragawule agaonne ira: <<Dihivokediwa mwilamboni ya vati>>, ohodowa roma nvendaga muhiyana ambanle mwanapongwe ule.

Jowandeliwa 2:20

<<So mbwenye ikala yengo imohi yohodizivela munairana nyo. Nyo munorumela joira jinafuna Jezabeli, muhiyana wenno unawonga ira: <Miyo dili namafiyiheda>, wenno unafundjiha jengo jabure eto hiya fundjihave bahi unaanyenga anamalabaga ira kararuwege eto kadjege vinyama dipeliwe vikwamutu josema.