Daniyeli 11:30 - Mazu Otchena a Mulungu

³⁰ Tchoira dihikalawo mwadeya da anyakondo nnafuna za kumela ilambo ya Kitimi ira kaze kawane na liye. Muwari moova, liye unoza atawe kondoni ule awelelaga mundulri. Era enne muwari motakaleliwa, unodowa awanege na atu a yopangana yotchena. So mbwenye liye unawandanege na atu anne anahiya yopangana yotchenele.

Daniyeli 11:30 Iomraidhean Croise

Jenesesi 10:4

Mulombwana Javani aabanle anapongwe ala: Elixa, Tarisi, Kitimi na Dodanimu.

1 Koronika 1:7

Mulombwana Javani aabanle anapongwe ala: Elixa, Tarisi, Kitimi na Rodanimu.

Izaiya 23:1

Ula gu muselu owonga zela Tiru. Kuwani mokumbanya nyo mwadeya da Tarisi. Mwasiwa sidadi ya Tiru imala nongiwa. Kulive nyumba nne voimeliha mwadeya. Jejo johovweya kumela ilambo ya Xipire.

Izaiya 23:12

Eto ohowonga ira: <<Kamuza muhagalala akoka, nyo atu a Sidoni munaonihiwa goyi. Muvenye, mutawele Xipire. Masiki mutawele wewo, kamunakana vuma.>>

Daniyeli 11:28

Jagaireyile enne, mwene wa norti unowelela mwilamboni mwaye agatukunle jorayela jatene japatile liye kondoni. Era eno unohela zelru ira aagondjihe atu anne anawenda na yopangana yotchena. Eto unovenya, adowe arome irana yenno inaafunena liye. Amala eno unowelela mwilamboni mwaye.

Daniyeli 11:29

<<Tempuwa yakwakwana, mwene wa norti unoza avenye akoka na anyakondo aye ira adowe awane na akuda suli, mbwenye fendo yenna kaza agondjiha nnga mwagondjihele liye fendo yoroma.

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Matewuji 24:10

Tempu yenno atu adjindji anoza kaperuwe eto anoza kagulihanege mmohi na nfwaye eto anerege idana mukalele atu.

Jowandeliwa 12:12

Nona nyo zulu watene vamohi na atene munafwanyeya wewo, hagalalani. Mbwenye udilu zela wa nyo mwatene munafwanyeya mwilamboni ya vati vamohi na bara. Tchoira Diyabo vere liye atatileliwa mwilamboni ya vati, liye ukana uwali wohokala wa masika. Mwasiwa liye uiziwa ira: <Malambo aga kahanle vang'onove.> >>