Daniyeli 11:25 - Mazu Otchena a Mulungu

^25-26 <<Evale liye unoza avenye na anyakondo ohokala a masika movilimbiha, amaruwe ira adowe awane na mwene wa suli. Eto fwanyeya ira mwene wa suli adowaga kondoni unoakana anyakondo adjindji eto a kopolo. Mbwenye mwene wa suli kaza agondjiha, mwasiwa ale anadjetcha jodja jaye anoza kampanganele ira akwe. Nikuru naye na anyakondo nnoza nidimele eto anyakondo aye adjindji anoza kapiwe, halaga mwenole na atwaye a vang'ono.

Daniyeli 11:25 Iomraidhean Croise

Daniyeli 11:10

Mbwenye ahima a mwene wa norti anoza kakozeye ira kadowe kawane kondo. Anoza kagumanihe nikuru na anyakondo ohokala a masika. Evale anyakondo ale anodowa kavire ilambo ya suli. Eto kagadowile wewule anobwanyula jatene nnga jinaireya na mahindje kabwanyulaga, kavire fiyeda nimburo nolimba notawelamo na mwene wa suli.

Daniyeli 11:2

<<Mbwenye peno miyo nnouwandela ibaribari. Eni kohokalawo amwene amohiwa araru anafuna kaze katonge mwilamboni mwa Perisiya. Eto mwene wanennayi gunafuna kala orayeletchetcha akwaranya amwene araru ale. Eto agali olimba na mwasa wa jorayela jaye, unoza aakukuse afwaye atene ira kadowe kawane na Umwene wa Geresiya.

Daniyeli 11:40

<<Mbwenye yafiya tempu yogomiheda, mwene wa suli unovenya ira adowe awane na mwene wa norti. Evale mwene wa norti unoza amaruwe nnga nalripembezu na aaterelado a kondoni, atu owendiha kavalo vamohi na mwadeya doindjiva dene, kamugondjihe mwene wa suli ule eto kabwanyule vilambo dohiyana-hiyana nnga jinaira mahindje kabwanyulaga jengo.

Daniyeli 11:5

<<Jaireya eno, mwene wa suli unoza akale wa kopolo. Mbwenye eto musogolrelri mmohi wa muumweneni mwaye gunaza akale wa kopolo kwaranya, arome tonga eto utongi unafuna liye kana unaza ukale utongi undimuwa.