Daniyeli 11:18 - Mazu Otchena a Mulungu

¹⁸ <<Amala eno mwene wa norti unorungunuwiha kove yaye ira adowe agondjihe vilambo nnafwanyeya tcherela ya Mediteraniyo eto unogondjiha vilambo pwi. Mbwenye ukala mundimuwa mmohi wa anyakondo unafuna za amalihe vitukulela wa mwene ule, ante afiyede munyaswiha.

Daniyeli 11:18 Iomraidhean Croise

Izaiya 66:19

Eto nnoza daahele sinale yaga eto atu amohiwa anahale, nnoza daarumihede vilambo dimohi diwa, kadowe Tarisi, Puli, na Lude wewo unafwanyeya atu oiziwa pama voka mafumo. Kadowe eto Tubali na Java ante dowaga suwa nnafwanyeya olapela wene wewo uli atu kahanavwe zela joira jaga jotikiniha, nne ona undimuwa waga. Aliwa anoza kadowe wewo ira kalaleye undimuwa waga muwari mwa atu a vilambo datene.

Matewuji 7:2

Mwasiwa makalelo anafuna nyo atongana afwinyu, ba makalelo anafuna nyo za tongiwana. Eto mpimo wenno munaapimelana nyo afwinyu, Mulugu unaza aupimelenani mpimo mmohive wenno.

Anamasogolrelra 1:7

Noira enne Adoni-Bezeki ohowongaga eraga: <<Kohokalawo amwene 70 anno kagwadiwile vigonondo diwa da manda vamohi na da manyalo kakaletcha vande vaga kadodelaga jinyenyeri jamorela vati va meza yaga. Peno Mulugu unaditambilriha zela jejo jaairele miyo.>> Noira enne kohomutukula mulombwana Adoni-Bezeki, aliwa mudowana Jeruzalemu. Evale ohokwa wewule.