Daniyeli 10:19 - Mazu Otchena a Mulungu

¹⁹ awongaga eraga: <<We uli mulombwana oziveliwiwa. Kuove, murendele akale na weyo. Ukale wa kopolo eto ukale olimba murima.>> Evale awongaga na miyo mazu anne, doholimbiheyaga eto dohowongaga diiraga: <<Nyo mbwiyeni muhudilimbiha! Nona nyo podi wonga yenno inafuna nyo wonga.>>

Daniyeli 10:19 Iomraidhean Croise

Izaiya 35:4

Mwaawandele atene okana mirima doova ira: <<Limbihani murima, kamuove. Kaing'anani, Mulugu wenyu unoza ira aatonge amwidani enyu eto aawelihede kunyakunya. Unoza ira auvulumutcheni.>>

Izaiya 41:10

Weyo kuove mwasiwa miyo dili na weyo. Kukumbanye yengo mwasiwa miyo dili Mulugu wawo. Miyo nnoulimbiha eto nnoukamiheda. Miyo nnouhideda na ndanda naga nodjana na ibaribari.

Izaiya 41:14

<<Kuove weyo Jako uvutile nnga mwanamungu. Nyo atu a vang'ono a Izarayeli kamuove. Mwasiwa miyo nnoukamihedani. Unawonga gu Yehova. Namawombola wenyu gu miyo Mulugu Otchena wa Izarayeli.

Daniyeli 10:18

Evale wenne anna makalelo olingana na mutule ohowelela adihindaga akoka, liye dilimbiha

Daniyeli 9:23

Uromaga wene vepa tangaranga, miyo dohovahiwa mazu ira dize duwandelemo, mwasiwa weyo uli mutu oziveliwiwa valukulu. Nona inafwanela uvuruwane pama mazu anafuna miyo wonga ira uonelremo jatene jionihiwe we morohani!

Juwawu 11:3

Evale Lazaro agaromile bulela, arongoliye kohorumiha mpanganyo wali Yesu ira: <<Nabwiya, nfwinyu Lazaro, wenno munamuziveletcha nyo, unafwanyeya agali murenda.>>

Juwawu 11:36

AJudewu ale, kagamuonne Yesu anlaga, kohowonga keraga: <<Na ibaribari omuzivela.>>

Juwawu 11:5

Fwanyeya ira Yesu omuzivela Marta na mbalaye Mariya vamohi na murongoliwa Lazaro.

Juwawu 14:27

<<Dadowaga, nnouhiyedani murendele. Miyo nnouvahani murendele waga. Eto murendele unauvahani miyo kahi murendele nnga uli mwilamboni ya vati. Nona mmirimani mwenyu kamukukumuwe, nne kamukayena ova.

Juwawu 16:33

<<Jatene jeji juwandenleni miyo, nnerela ira muwande kana murendele muwari mokala mwa miyo. Munokana makatamiho mwilamboni. Nyo mbwenye kamukukumuwe, mwasiwa miyo dihimala gondjiha ilambo ya vati.>>

Juwawu 19:26

Yesu agamuonne mmaye ule agali vevale na namamuharaye wenno asimbwetcha liye muziveliwa, ohomuwongana mmayele eraga: <<Kaing'ana, mwanawo gwenno.>>

Juwawu 21:20

Evale Peduru ohorungunuwa, liye ing'ana mundulri. Againg'anne mundulri, ohomuonaga unduli waye namamuhara wenno Yesu asimbwa liye muziveliwa, wenno amukwivenle Yesu kadjaga jantari siku neno nafuna Yesu gulihiwa, anfukile Yesu eraga: <<Nabwiya, kodi unafuna ugulihani eva bani?>>

1 Korinto 16:13

Muing'ane pama eto mulimbe mwa nroromelo nenyu. Mukale alombwana zela ja Mulugu eto mulimbe kopolo.

2 Korinto 12:9

Liye mbwenye karumenle yovepa yaga. So wakula waye, kwi: <<Sayi daga dihikwakwana para weyo. Tchoira kopolo daga nnakwakwanela muwari movuta mwawo.>> Nona miyo nnovititimiha mohagalala zela johokana kopolo jaga ira kopolo da Kiristu dikale na miyo.

Efezo 6:10

Yengo yogomiheda inafuna miyo dukokomezeni tchi ila. Mulimbihiwe muwari momuroromela Nabwiya eto muwari mwa kopolo daye dilukulu.

2 Timoteyo 2:1

Mbwenye zela weyo mwanaga, inafwanela ulimbihiwe muwari mwa sayi nnafwanyeya muwari mwa Yesu Kiristu.

Jozuwe 1:9

Uumbuwelege ira durumile ira ukale olimba kopolo eto ukale olimba murima! Kukayena ova eto kurendjeye, mwasiwa miyo Yehova Mulugu wawo, nnakalege na weyo watene wene unayege we.>>

Jowandeliwa 1:17

Mwa enne miyo dagamuonne, dohogwa vamanyaloni vaye kalaga nnga dere kwa. Mbwenye liye ohodihinda na ndanda naye nodjana, eraga: <<Kuove. Miyo vano dili Oroma eto dili Ogomiheda.

Anamasogolrelra 6:23

Mbwenye Yehova ohomuwandelaga eraga: <<Murendele akale na weyo! Kuove! Weyo kunakwa.>>