Daniyeli 1:2 - Mazu Otchena a Mulungu

² Evale Nabwiya ohosakanya ira Nabukodonozore awande mugondjiha Jeyowaki mwene wa Juda ule eto amuwake pandi imohi ya fwaramento dalabetchana atu Nyumba ya Mulugu. Mwa enne Nabukodonozore ule agamanle mugondjiha, ohotukulaga fwaramento dile, liye dowana nyumbani wa mulugu waye mwilamboni mwa Sinari, liye volotchiha nyumba mwakoya atu fwaramento da mulugu waye.

Daniyeli 1:2 Iomraidhean Croise

Jenesesi 10:10

Liye aromaga wene umwene waye, atongetcha sidadi da Babeli, Ereki, Akade na Kaline. Sidadi dedo dafwanyeya mwilamboni mwa Sinari.

Jenesesi 11:2

Mbwenye muwari mwa tempu yenne kohokalawo atu kavenyile pandi ya makumelo wa nzuwa, aliwa roma wendawenda. Mwa enne kawendawendaga kohofwanya nimburo notandeleya mwilamboni mwa Sinari, aliwa roma kala vevale.

2 Amwene 24:1

Malambo atonga mwene Jeyowaki, mulombwana Nabukodonozore, mwene wa Babiloniya ohovenya, liye za ira awane na mwene Jeyowaki. Mbwenye mwene Jeyowaki ohonvepa ira ahamuirele yabure, liye roma mulabaga. Mbwenye vagamanle yaka taru, mwene Jeyowaki ule ohokonda tongiwa na mwene Nabukodonozore ule.

Izaiya 11:11

Siku neno Nabwiya unoza atapule ndanda naye fendo yanembinli ira aawombole atwaye ohala anakala Asiriya eto anno anakala Ijipitu, na ilambo ya Pataroji, Etiyopiya, Elamu, Sinari, Hamate, na vasuwa vili vatene va bara Mediteraniyo.

Izaiya 42:24

Bani umutukunle Jako, amuvelelaga mmandani mwa aliba waka? Bani waavelenle aIzarayeli mmandani mwa amadjuba? Airilena eji ali Yehova wenno namutegenle hiyo, nikondaga wenda na ndila daye eto nahavwelelaga malamulo aye.

Daniyeli 5:13

Mwa enne kohomudowelaga Daniyeli, aliwa muzana vamentoni va mwene. Agazile, mwenole ohowongaga eraga: <<Kodi weyo uli Daniyeli wenno unafwanyeya muwari mwa akuda Juda anno babaga aatukunle liye mwilamboni mwa Juda?

Daniyeli 5:18

So mwene, Mulugu Okwaranya Jatene ohonvaha babinyu Nabukodonozore umwene na undimuwa na upama vamohi na kopolo.

Detoronomiyo 32:30

Kahakale atu a zelru kogoiziwa mwasiwa gwa nni vikalaga jowandeya mutu mmohi wandaga wana na atu 1.000 eto atu ambinli wandaga atawiha atu 10.000. Mwa eno, kogoiziwa ira jinaireyela na mwasa oira wenno unafwanyeya agali Nibwe newa uhaguliha eto Yehova uhavaheda mmandani mwa amwidaniwa.

Anamasogolrelra 2:14

Na mwasa wenne, Yehova ohotakaleliwa na makalelo ohokala a masika zela aIzarayeli, evale ohavaheda mmandani mwa amadjuba, aliwa za roma abelaga jengo jiwa. Yehova eto ohavaheda mmandani mwa amwidaniwa kafwanyeya vilambo dowandamelana. Mwa enne aIzarayeli tchawanda wana na amwidaniwa.

Anamasogolrelra 3:8

Mwa enne Yehova ohotakaleliwa na makalelo ohokala a masika zela aIzarayeli. Evale liye ohavaheda mmandani mwa mwene wa Mezopotamiya aitaniwa Kuza-Rizatayimi. Mwa enne Ana Izarayeli kohoroma mulaba mwene Kuza-Rizatayimi ule fiyeda yaka tanu na taru.

Anamasogolrelra 4:2

Evale Yehova ohavaheda mmandani mwa mulombwana mmohi aitaniwa Jabimi mwene wa Kana, atonga sidadi ya Azori. Liye eto ohomukana musogolrelri waye wa anyakondo aitaniwa Sizera, wenno akaletcha sidadi ya Harozeti-Hagoyimi.

1 Samuweli 5:2

Evale aFilistewu ale kagatukunle Kaxa ya Mulugu ile, kadowile ihela munyumbani mwa mulugu wewa aitaniwa Dagomi, aliwa wandameliha na ikwamutu yosema ya Dagomi.