Firimʉʉni 1:8 - Ʉbhʉragɨ Ubhuhya

⁸ Nʉʉrʉbhu, nangʉ kurwa kʉ ʉbhʉnaja bhʉnʉ nɨhɨɨrwɨ na Kiriisitʉ, nangaturirɨ kukuswaja kokora kɨnʉ ukwenderwa kokora.

Firimʉʉni 1:8 Iomraidhean Croise

2 Abhakʉrintʉ 10:8

Nʉʉrʉ niriikumya kʉhɨta ekerengo igʉrʉ wʉ ʉbhʉnaja bhʉnʉ Ʉmʉkʉrʉ atʉhɨɨrɨ, tʉtʉrɨ kʉbhanaja na ɨtarɨ kʉbhasarya, kwikɨ nɨtakorora zɨsʉni igʉrʉ wʉ ʉbhʉnaja bhuyo.

2 Abhakʉrintʉ 11:21

Nɨragamba kwa sʉni kʉbha itwɨ tʉtabhakʉrɨɨrɨ gayo, kʉ kʉbha itwɨ, nɨ‑bhanyʉʉhɨrɨru bhʉkʉngʼu! Nangʉ nɨragamba ncho omogeege, arɨɨbhɨ areho ʉmʉʉtʉ wʉnʉ akwenderwa kwikumya igʉrʉ wa ryʉryʉsi, na niinyɨ niriikumya igʉrʉ wa riyo.

2 Abhakʉrintʉ 3:12

Mmbe, kʉ kʉbha riyo neryo ubhwisɨgi bhwɨtʉ, tʉrakora kwa bhʉkararu.

Abheefeeso 5:4

Mʉtagamba mangʼana ga sʉni ganʉ gataana bhwera, na kʉhakaana, gayo gatakwenderwa, nawe mʉgambɨ amangʼana gu ukukumya Mungu.

1 Abhatɨsarʉʉnikɨ 2:2

Kwikɨ mwɨzɨ hanʉ twarɨ tʉkɨɨrɨ kuhika kwa niimwɨ, tʉkanyaakibhwa na kutukwa mʉrʉbhɨri rwa Firipi. Nangabha kwarɨ nʉ ʉbhʉkʉngʼu kwa niimwɨ, nawe Mungu akatoha ʉbhʉnaja bhu ukwerekeererya Ɨngʼana yaazɨ Ɨnzʉmu.

1 Abhatɨsarʉʉnikɨ 2:6

Na twarɨ tʉtakomohya bhukumuka kʉbhaatʉ, kurwa kwa niimwɨ, nʉʉrʉ kurwa kʉbhandɨ bhʉbhʉʉsi. Twarɨ tʉratʉra kwenda ebhegero obhorebhe kurwa kwa niimwɨ, kʉ kʉbha itwɨ, nɨ‑bhatumwa bha Kiriisitʉ, nawe tʉtakʉrirɨbhu.