Abhagaraatiya 4:3 - Ʉbhʉragɨ Ubhuhya

³ Na niitwɨ ɨbhuɨbhu, ribhaga rɨnʉ Kiriisitʉ aarɨ akɨɨrɨ kuuza, twarɨ ncha abhaana, twarɨ bhambʉʉsa bhi isimʉka yɨnʉ ɨkʉkangata ɨɨsɨ.

Abhagaraatiya 4:3 Iomraidhean Croise

Mataayo 11:28

“Muuzɨ kwa niinyɨ bhʉʉsi bhanʉ mʉkʉnyaaka na kuritoherwa ni imirigʉ, na niinyɨ nɨrabhooyeerya.

Yoohana 8:31

Mmbe, Yɨɨsu akabhʉʉrɨra Abhayaahudi bhanʉ bhamwisiriiryɨ kʉbha, “Arɨɨbhɨ mʉrakaja kutuna amiija gaanɨ, hayo neho mʉbhɨɨrɨ abhɨɨga bhaanɨ bha amaheene.

Amahocha ga Abhatumwa 15:10

Ndora nangʉ moreenda kogema Mungu, ko kogegya abhɨɨga bhanʉ bhatarɨ Abhayaahudi bhayo imirigʉ gɨnʉ gikʉtʉtama itubheene, na bhasʉʉkʉrʉ bhɨɨtʉ gikabhatama kogega.

Abharuumi 7:14

Tʉmɨnyirɨ kʉbha imigirʉ gɨkahurukibhwa ne Ekoro ya Mungu, nawe inyɨ kusimʉka yaanɨ yʉ ʉbhʉbhɨ, nɨ‑mbʉʉsa wʉ ʉbhʉbhɨ.

Abharuumi 8:15

Mungu atabhahɨɨrɨ Ekoro Ɨndɨndu korereke mʉbhɨ kwikɨ bhambʉʉsa bhanʉ bhakwʉbhaha, nawe akabhaha Ekoro Ɨndɨndu yʉ ʉkʉbhakora mʉbhɨ abhaana bhaazɨ. Ekoro yiyo neyo ɨkʉtʉsakirya kʉbhɨrɨkɨra Mungu, “Bhaabha!”

2 Abhakʉrintʉ 11:20

Muriigumirirya nʉʉrʉ ʉmʉʉtʉ wʉnʉ akʉbhakora imwɨ bhambʉʉsa, wʉnʉ akubhiibhɨra na kʉbharuusha ebhegero bhyanyu, na wʉnʉ akwirora nɨ‑mʉkʉrʉ kʉbhakɨra na kʉbhatema mubhushʉ.

Abhagaraatiya 2:4

Ringʼana ryɨ ɨsaarʉ rɨkabhuuribhwa na abhaatʉ bhanʉ bhaarɨ bhariikorya ni‑bhiisirirya abhakɨndichɨtʉ, nawe bhakiisikirya kʉbhʉngʼɨɨni komohya imyeya jɨtʉ gɨnʉ twahɨɨrwɨ na Yɨɨsu Kiriisitʉ. Ubhwɨndi bhwabhʉ bhwarɨ ne‑kotokora tʉbhɨ bhambʉʉsa bhi imigirʉ jɨ Ɨkɨyaahudi.

Abhagaraatiya 3:19

Nangʉ, imigirʉ gɨna meremokɨ? Imigirʉ gekoongerwa igʉrʉ wu ukwerecha ʉbhʉsarya bhwa abhaatʉ, kuhika hanʉ araazɨ umwibhurwa wa Abhurahaamu, wʉnʉ Mungu aaragɨɨnʼyɨ kʉbha araaza. Imigirʉ giyo, Mungu akamoha Musa kʉhɨtɨra bhamaraika, Musa akabha umwigwanʼya wa abhaatʉ na Mungu.

Abhagaraatiya 4:2

Ribhaga ryʉsi, ʉmʉgabhi ahaabha ari iyaasɨ wa abharɨri na abhaatʉ bhanʉ bhakwimɨɨrɨrɨra ebhegero bhyazɨ, kuhika ribhaga rɨnʉ wiisɨ ɨɨndirɨ.

Abhagaraatiya 4:24

Abhakari bhayo bharatʉra kogegwa nche ebherenjo bhyʉ ʉbhʉragɨ. Hajira, ne‑kerenjo chʉ ʉbhʉragɨ bhwe embere rɨnʉ ryakʉrirwɨ kʉkɨgʉrʉ cha Sinayi. Abhaana bhaazɨ bhakiibhurwa ncha bhambʉʉsa iyaasɨ wi imigirʉ ja Musa.

Abhagaraatiya 4:25

Abhaatʉ bha Yɨrusarɨɨmu bha nangwɨnʉ, nɨ‑bhambʉʉsa iyaasɨ wi imigirʉ ja Musa. Bhayo nɨ‑bhambʉʉsa ncha abhaana bha Hajira wʉnʉ akutuubhanibhwa nʉ ʉbhʉragɨ bhʉnʉ Mungu aakʉrirɨ kʉkɨgʉrʉ cha Sinayi mucharʉ cha Arabhiya.

Abhagaraatiya 4:31

Abhahiiri bhaanɨ, itwɨ tʉtarɨ abhaana bha mbʉʉsa, nawe nɨ‑bhaana bhʉ ʉmʉkari we ebhegero.

Abhagaraatiya 4:8

Ɨkarɨ hanʉ mwarɨ mʉtɨɨzɨ Mungu, mwarɨ bhambʉʉsa bha amasambwa ganʉ gatarɨ Mungu.

Abhagaraatiya 4:9

Nawe nangʉ, mumwɨzɨ Mungu, wʉʉsi abhɨɨzɨ bhʉkʉngʼu. Kwakɨ moreenda kʉgarʉka kosengera isimʉka yɨnʉ ɨkʉkangata ɨɨsɨ, yɨnʉ ɨtaana ʉbhʉnaja nu ubhwera bhwʉbhwʉsi? Moreenda kʉbha bhambʉʉsa bhaabhʉ?

Abhakorosaayi 2:20

Mʉkakwa hamwɨmwɨ na Kiriisitʉ, na kutiga amiija gayo gakwisega isimʉka yɨnʉ ɨkʉkangata ɨɨsɨ yɨnʉ. Kwakɨ muriitʉʉra iyaasɨ wa amaswaja gaabhʉ gɨ ɨɨsɨ, ncha abhiikari bha kʉʉsɨ?

Abhakorosaayi 2:8

Mwangarɨrɨ, mʉtaaza kurimiribhwa kumiija ga bhʉʉha na amakangirirya gʉ ʉrʉrɨmɨ, ku ukugwata amangʼana ga bhaatʉ. Amiija gayo gariisega isimʉka yɨnʉ ɨkʉkangata ɨɨsɨ na ɨtarɨ ya Kiriisitʉ,

Abhɨɨbhuraaniya 5:12

Kwibhaga rɨnʉ mwarɨ moreenderwa kʉbha abhiija bha abhakɨndichanyu, nawe mʉkɨɨrɨ moreenda ʉmʉʉtʉ wu ukubhiija amiija gʉ ʉbhʉtangɨ bhwa ringʼana rya Mungu! Mʉkɨɨrɨ moreenda amabheere, kutiga kwenda ibhyakurya ɨbhɨkʉngʼu.

Abhɨɨbhuraaniya 7:16

Ewe ataarɨ kuhaani kʉ kʉbha yi imigirʉ na amaswaja ga abhaatʉ mukishoko chazɨ, nawe nɨ‑kwa zinguru zʉ ʉbhʉhʉru bhwazɨ bhʉnʉ bhʉtaana ɨtɨnɨrʉ.