Matiyu 4:11 - Tẹsitamenti Ikne n'Ọnu Ikwere

¹¹ Ige wam Ekwensu sịgbasiri Jizọsi, ele enine izi vakwnusiri a, neeznenu a izi.

Matiyu 4:11 Iomraidhean Croise

Matiyu 26:53

Ọ bụ nụ ị máa nụ m nwernu m rikne kanụ Nda m, o ziyanu m nhne kakwo lijọni nri nụ ẹbo ele enine izi a?

Matiyu 4:6

ọ kanụ a, “Ọ bụru nụ ị bụ Nnwọ Chiokike, gbụdna ẹhni ị n'ẹli hna, kwnornu nụ be gbarụ a n'ọkwukwo nsọ, kaa, ‘O jeenye ele enine izi a iwu gbasịri ị, be jeegheru ị n'aka be, ma ị gharụ ọ kpọbi ọchi ị nụ rugwu.’ ”

Makị 1:13

Ọ zị n'ẹli-ịkpa nri ọbochi ẹno. Ekwensu naarna a ọrnurna, ya nụ rụmu anọhia zị. Kọvu nụ ele enine izi neeznenu a izi.

Lukwu 22:43

Enine izi hi n'oligwe varụ gba inwe.

Lukwu 22:53

Me nụ anụ zị kpakara ọbochi n'Ọro Nsọ Chiokike, anụ nwée rikne nwụgwu m. Kọvu ka ige ke anụ, ige rikne ọchichiri nẹechi.”

Lukwu 4:13

Nga Ekwensu rnakworu a ọrnurna, ọ gharụ a ige matị.

Jọni 14:30

M jáakanụ anụ agịda ọka berere, kwnornu nụ nye nẹechi ọwa ka vawa. Kọvu o nwée rikne hne me zị.

1 Timoti 3:16

A zá neesigha ọka, nhne tugwaru otugwa ke okpenu Chiokike zị agịda, Jizọsi whụyaru iwhne n'anọ-ẹhni, Enine Nsọ gbarụ akebne a, ele enine izi whnụrnu a, be kpọru okwo a n'esilawụru kpakara mba, ele badnụ kweru a n'ọwa, Chiokike kwuru a la n'oligwe n'igwugwu.

Ele Hiburu 1:14

Ele enine izi, kpakara be bụ́o ele o ziyaru o yinu ele jeekehịa ọznohia aka sa?

Ele Hiburu 1:6

Nga Chiokike neeziya Nnwọ a nụ rime ọwa, ọ kaa, “Kpakara ele enine izi Chiokike kpọnu a risi ẹli.”