Matiyu 26:2 - Tẹsitamenti Ikne n'Ọnu Ikwere

² “Anụ magwụ nụ ọbochi lawụru wheme nụ Iriri Ọgawhe jaazị, be jeegweru Nnwọ ke Badnụ nyee ma be kpọgidne a n'ọgba.”

Matiyu 26:2 Iomraidhean Croise

Matiyu 10:4

Saịmoni nye zị n'esilawụru ele noonwu bẹkwnu nụ mkpọma, nụ Judasị Isikarịoti, nye reru a.

Matiyu 17:22

Nga Jizọsi nụ ele sno apna a gbakọru nụ Galili, Jizọsi kanụ be, “Be jeegweru Nnwọ ke Badnụ resi n'aka ele badnụ.

Matiyu 27:4

kaa, “M mmehiele m nụ ogweru ọvnarna nye ikpe mána resi anụ.” Be kanụ a, “Ndaa ke gbasịri aị? Kị bụ mkpa ị.”

Lukwu 22:15

Ọ kanụ be, “N'ezi ọ gwnụsiri m rikne me nụ anụ rikọ Iriri Ọgawhe ka sị me ta awhnụwhnu.

Jọni 11:55

Ige Iriri Ọgawhe ele Ju zị ndụndu, agịda ele Ju zne Jerusẹlem, zne ọ bịta ẹhni be nsọ sụ ọ dụ Iriri Ọgawhe be.

Jọni 12:1

Ọ gwnarnụ ọbochi isunu Iriri Ọgawhe ele Ju dụ. Jizọsi znernu Bẹtani hne Lazarọsi nwerukna wam o mernu o hi n'ẹnwu lizọ.

Jọni 18:2

Judasị nye reru a magwụ pịi, kwnornu nụ Jizọsi nụ ele sno apna a neezne pịi ige ọbula.

Jọni 18:32

Ka bụ ma nhne Jizọsi kwuru mezu ke gbasịri ọkpa ẹnwu ọ jọonwu.

Jọni 2:13

Iriri Ọgawhe ele Ju zị ndụndu, Jizọsi zne Jerusẹlem.