Lukwu 9:52 - Tẹsitamenti Ikne n'Ọnu Ikwere

⁵² O zihala ele izi nụ ruwhnu a, be zne otu ẹli Sameria ma be mekwatanụ a nhne.

Lukwu 9:52 Iomraidhean Croise

Matiyu 10:5

Jizọsi zihala nri nụ badnụ lawụru ka, dọ be aka nụ nsnị, kaa, “Anụ znékọ n'ẹli ele bụ́o ele Ju, mọbu nụ rime ẹli-ọhna ọbula ke ele Sameria.

Lukwu 10:1

Nga ka mekworu, Jizọsi họhiaru nri badnụ ẹsau nụ ẹbo, ma o zihala be ẹbo ẹbo nụ rime ẹli-ọhna nụ mgbu ọbula ọ jaabna.

Lukwu 10:33

Kọvu otu nye Sameria neewhe n'apna wam, vaduru hne ọ zị, nga ọ whnụru a, ọ dọnu a obirizi.

Lukwu 17:11

Nga Jizọsi zị nụ apna neezne Jerusẹlem, ọ naagawhe n'esilawụru Sameria nụ Galili,

Lukwu 17:16

Ọ dna n'ẹli n'ọchi Jizọsi tụnu a mmamma. Nwerukna ka bụ nye Sameria.

Lukwu 7:27

Ka bụ nye wam be gbarụ nhne n'ọkwukwo nsọ gbasịri a, ‘M jeezizne nye izi m nụ ruwhnu i, nye jeemekwata apna nụ ruwhnu i.’

Jọni 4:4

Ọ zị mkpa nụ ọ jaagawhe n'esilawụru ẹli Sameria.

Jọni 4:5

Ọ vadu n'otu ẹli-ọhna Sameria be kwu Saịka, ke zị ndụndu otu ẹli Jekọpu nyernu nnwọ a rukna Josefu.

Jọni 4:9

Nwerinya Sameria wam kanụ a, “Ị bụ nye Ju, m bụ m nye Sameria, ndaa kpa ị nọorio m mini?” (Ele Ju nụ ele Sameria mékọta nhne.)

Jọni 8:48

Ele Ju sarụ Jizọsi, “A kwukwaru nkarị nga a kwuru nụ ị bụ nye Sameria ke rẹnwu ọjo nwụgwu.”