Lukwu 8:10 - Tẹsitamenti Ikne n'Ọnu Ikwere

¹⁰ Jizọsi kanụ be, “Be mernu ma anụ mahịa nhne tugwaru otugwa ke ẹli-eze Chiokike, kọvu be jookwunu ele berere ọka n'elulu, ma, ‘Be neele anya, kọvu be jọ́owhnu ọsno, be noobno nsnị, kọvu be jọ́oghohia.’

Lukwu 8:10 Iomraidhean Croise

Matiyu 11:25

N'ige wam Jizọsi karụ, “Meka, Nda, Nyenwe oligwe nụ ọwa, kwnornu nụ i bịgwaru nhne ele ka n'anya ele akọ nụ ele marnụ nhne, kọvu i kpumennu be rụmu takịri.

Matiyu 16:17

Jizọsi kanụ a, “Ị bụ nye ọwa ọma, Saịmoni nnwọ Jona, kwnornu nụ anọ-ẹhni nụ ọvnarna kpúmennu i ya, okwolem Nda m ke zị n'oligwe.

Makị 4:11

Ọ kanụ be, “Be mernu anụ mahịa nhne tugwaru otugwa ke ẹli-eze Chiokike, kọvu ele zị n'ederezi, be naakanụ be kpakara nhne n'elulu,

Makị 4:12

ma ‘Be neele anya kpọi, gharụ ọ whnụ, nọonu nụ nsnị, gharụ ọ ghọhia, ọ zị be tụhnasna mkpọma hne Chiokike zị, nwehịa ọgbaru.’ ”

Jọni 12:40

“Chiokike mernu be kpu isni, mee mkpọma be bụru nhne nwụrnu ọnwu, ma be gharụ o ji anya be whnụ ọsno, gweru mkpọma be ghọhia, ma be tụhnasna, ma m gwọ m be.”

Ele Rom 16:25

Ọznarni zịnu Chiokike nye nwernu rikne mee anụ gwuzoru lele kpa izi ọma me neezni kwuru, nụ ọkpo okwo Jizọsi Karaịsi, lele kpa okpume nhne gwnarnụ agwna ke zị omimi ogologo ige wheru ewhe.

1 Ele Kọrinti 12:11

Kọvu ọ bụ otu Enine wam nọornu kpakara nhne, o neenye badnụ ọbula nkesi zị ọdo n'ọdo lele kpa o jiri masị a.

Ele Kọlosi 2:2

Ka bụ ma be kwnagidne be n'ovu, zịri masị n'otu n'ọwhnun'anya, ma be nwehịa kpakara ẹkwnu ke ọghohia ke zuru ozu, ka jeeme be mahịa nhne tugwaru otugwa ke Chiokike, ke bụ Karaịsi.

1 Timoti 3:16

A zá neesigha ọka, nhne tugwaru otugwa ke okpenu Chiokike zị agịda, Jizọsi whụyaru iwhne n'anọ-ẹhni, Enine Nsọ gbarụ akebne a, ele enine izi whnụrnu a, be kpọru okwo a n'esilawụru kpakara mba, ele badnụ kweru a n'ọwa, Chiokike kwuru a la n'oligwe n'igwugwu.