Lukwu 7:7 - Tẹsitamenti Ikne n'Ọnu Ikwere

⁷ Ka mernu me gwnụ́sige ẹhni m nụ nye kwesiri ọ vakwnusi ị. Kọvu kwu ọka kpọi, be jọogwo nnwọ izi m.

Lukwu 7:7 Iomraidhean Croise

Makị 1:27

O duru kpakara be ẹhni ke mernu be bete nẹesikwarita ẹhni be, “Ka bụ kịni? Ọ bụ o zni nhne ikne sa? O nwernu rikne ke o ji nọotunu rẹnwu ọjo ọka, be bnotenu a nsnị.”

Lukwu 4:36

O duru kpakara ele badnụ ẹhni, be nẹesikwarita ibne be, “Ka bụ iznizni kịni? Nwerukna ka nwernu rikne o ji nọotunu rẹnwu ọjo ọka, be whụya masị.”

Lukwu 5:13

Jizọsi dọsnima aka a, kpatụ a, kaa, “M pioru m, zịri rịchna.” Ngangam, nchnịchna wam whọgaru n'ẹhni a.

Lukwu 7:6

Jizọsi snornu be zne. Nga ọ zị ndụndu n'ọro a, nye ọgwnu wam ziznenu a ele enyi a, kanụ a, “Nyenwe aị, i dọ́gbu ẹhni ọ va, m kwésile m nye ị va ọro a.

Lukwu 7:8

Kwnornu nụ m bụ nye zị n'ọchichi, m nwernu m ele ka m, nụ ele me ka. Me kanụ nye ka ‘Zne,’ o zne, kanụ nye berere ‘Vaa,’ ọ va. Me kanụ nnwọ izi m ‘Mee ka,’ o mee a.”