Lukwu 7:24 - Tẹsitamenti Ikne n'Ọnu Ikwere

²⁴ Nga ele izi Jọni larụ, Jizọsi bete naakanụ igbudu badnụ wam nhne gbasịri Jọni. “Kịni bụ nhne anụ znernu ọ whnụ n'ẹli-ịkpa? Ekere achara ruwhere noovu?

Lukwu 7:24 Iomraidhean Croise

Lukwu 1:80

Nnwọ wam nooso oso, gbasị rikne nụ enine, o wu n'ẹli-ịkpa tem dụ nga be gesiri a ele Izirẹli.

Lukwu 3:2

Anasị nụ Kayafasị bụ ele risi arịohna, ige wam ikwu-ọnu Chiokike dụru Jọni, nnwọ Zakaraya nsnị n'ẹli-ịkpa.

Lukwu 7:23

Chiokike jọogozi nye ọbula ke jụ́la m kwnornu nhne me mernu.”

Lukwu 7:25

Ọ bụ kịni nhne anụ znernu ọ whnụ? Nwerukna wogwu iwo marnụ mma sa? Le, ele noowo iwo marnụ mma, ele wu bụdnu oriri nụ ọnwunwo zị n'ọro ele eze.

Jọni 1:23

Jọni sarụ be, “M bụ m akpịri nye nọokpo okwo n'ẹli-ịkpa, ‘Anụ mekwata apna Nyenwe aị ma ọ snịrni asnị,’ lele kpa Azaya nye ọwhnurninya kwuru.”

Ele Efesọsi 4:14

Ige wam a jọ́obuma rụmu takịri. Ele aghịgho nụ ele nooduwhu ele badnụ jéegweru iznizni aghalaghala ọbula ruwhere noovugharị duwhu aị, lele kpa abaka-mini nụ ruwhere noovughari ọgbo n'olu mini.

2 Pita 2:17

Ele badnụ ka nụ lele ọmi nwée mini, lele erumeru ruwhere mini noovugharị, be bịtannu be okne ọchichiri ọkwnukokwnu.

2 Pita 3:17

Kọvu anụ, ele me whnụrnu n'anya, anụ magwụ nhne ka, anya dụ anụ ẹli, ma nhne ọjo ke ele noolulu iwu ẹli neezni gharụ o duhie anụ, mee anụ dnahnala n'ogwuzosi rikne anụ.