Lukwu 6:24 - Tẹsitamenti Ikne n'Ọnu Ikwere

²⁴ Kọvu nụ awhnụwhnu jaazịnu anụ ele eze, kwnornu nụ anụ rilem iru ke anụ.

Lukwu 6:24 Iomraidhean Croise

Matiyu 6:16

“Nga anụ noovu ọnu, anụ mékọ lele ele ruwhnu lawụru, ele naagbarụ ruwhnu, dọnwuta ruwhnu ma ọ zị kpa ele badnụ mahịa nụ be noovu ọnu. Owe, m naakanụ anụ ezi ọka, be nwezulem ọgwo ẹrnu be.

Matiyu 6:2

“Ke bụ nụ nga ị nọornu ẹrnu obirizi i, i jíkọ ọkwodu kpọ okwo lele kpa ele ruwhnu lawụru mee n'ọro ọgbako ele Ju, ma n'apna, ma ele badnụ ja be mma. Owe, m naakanụ anụ ezi ọka, be nwezulem ọgwo ẹrnu ke be.

Matiyu 6:5

“Nga anụ neekpe okpukpe, anụ mékọ lele ele ruwhnu lawụru, kwnornu nụ ọ naamasị be o gwuzoru n'ọro ọgbako ele Ju ma ngeri apna neekpe okpukpe ma ele badnụ whnụrnu be. Owe, m naakanụ anụ ezi ọka, be nwezulem ọgwo ẹrnu be.

Lukwu 6:25

Awhnụwhnu jaazịnu anụ ele neeriji rụwho kịtna, kwnornu nụ wiri jọogwnu anụ. Awhnụwhnu jaazịnu anụ ele nọomu rụmu kịtna, kwnornu nụ anụ jaakwna ẹkwna, gba masị mkpe.

1 Timoti 6:17

Dọ ele eze ke ọwa ka aka nụ nsnị be bụ́o ele oknomokno, be tụ́kwasi ẹkwnu be ovu, ke jáazị tim tọm, kọvu be tụkwasi Chiokike ovu nye naasama aka a neenye aị kpakara nhne bụru ọma ke a neeri.

Jemisi 2:6

Kọvu anụ lednarnụ wọmboni anya. Ọ bụ́o ele kwu wam neemegbu anụ? Ọ bụ́o be nọopnurnu anụ zne ọro ikpe?