Lukwu 6:12 - Tẹsitamenti Ikne n'Ọnu Ikwere

¹² N'ige wam Jizọsi whọgaru zne nụ rugwu zne kpe okpukpe, o neekpenu Chiokike tem chi bọ.

Lukwu 6:12 Iomraidhean Croise

Matiyu 5:1

Nga Jizọsi whnụrnu agịda badnụ wam, o pnezne n'olu rugwu, dazịri ẹli, ele sno apna a vakwnusi a,

Matiyu 6:6

Kọvu nga i neekpe okpukpe, bnazne nụ rime ọro ị, nga ị gbasnịmernu mgbo ị, kpenu Nda ị ke zị nụ mgwụgwa, Nda ị ke nọowhnu nhne zị nụ mgwụgwa jọokwuhnata ị.

Makị 1:35

N'ọnu ọsisi, nga chi yọ́obochnage, o lizọ zne hne kọru owu, neekpe okpukpe.

Makị 3:13

Jizọsi pnezne n'olu rugwu, sukwu ele o pioru. Be znekwnusi a.

Makị 6:46

Nga o zilakworu be, o zne n'olu rugwu zne kpe okpukpe.

Lukwu 5:16

Agịda ige Jizọsi whọga, zne hne kọru owu, neekpe okpukpe.

Lukwu 6:11

Kọvu ovu weru be ẹhni k'agịda, be bete nẹesikwarita ẹhni be nhne be jeeme Jizọsi.

Lukwu 6:17

Nga ya nụ be hiri nụ olu rugwu hiedna, be gwuzoru n'ẹli etekne, agịda ele sno apna a nụ agịda ele badnụ ele hiri nụ kpakara Judiya, nụ Jerusẹlem ma ele wu nụ ngeri mini ẹli Taya nụ Saịdoni varụ gbakọ nụ hne be zị.

Lukwu 9:18

Otu ọbochi, nga Jizọsi neekpe okpukpe ichne, ele sno apna a nụ ya zị, ọ sịkwa be, “Ele badnụ be naakaa nụ me bụ nyele?”

Lukwu 9:28

Nga ọbochi ẹsato whemernu kpa Jizọsi kwuru ikwu-ọnu ka, o kwuru Pita, Jọni nụ Jemisi yisinu ẹhni a zne n'olu rugwu kpe okpukpe.

Lukwu 9:29

Kpa o zị neekpe okpukpe, ruwhnu a gbanwornu, iwo naacha va-a-a, neeke eke lele amụma.

Jọni 6:3

Jizọsi pnezne n'olu rugwu dazịri ẹli, ya nụ ele sno apna a.

Ele Kọlosi 4:2

Anụ gwéme aka n'okpe okpukpe, neese nse, nọotu mmamma.

Ele Hiburu 5:7

Nga Karaịsi zị bụdnu n'ọwa, o ji okne ẹkwna nụ anya-mini rịo arịrio a n'okpukpe nyee Chiokike, bụ nye nwernu rikne ọ dọhia a n'ẹnwu. Ọ nụrnu okpukpe a, kwnornu nụ o gwednarnụ ẹhni a ẹli.