Lukwu 4:39 - Tẹsitamenti Ikne n'Ọnu Ikwere

³⁹ O zne gwuzoru nụ ngeri ọkpata a, bigbọ ẹhni orne bẹkwnu wam, ọ sịgbasi a. O lizọ ngangam neeznenu be izi.

Lukwu 4:39 Iomraidhean Croise

Makị 1:29

Nga Jizọsi hiri n'ọro ọgbako ele Ju wam whụya, ya nụ Jemisi nụ Jọni, be bna n'ọro Saịmoni nụ Anduru.

Lukwu 4:35

Jizọsi bigbọru a, kanụ a, “Kpusni ọnu ị, hi nụ rime a whụya.” Rẹnwu ọjo wam vudna a n'ẹli nụ ruwhnu ele badnụ wam, hi nụ rime a whụya, o mékasịla a nhne.

Lukwu 4:41

Rẹnwu ọjo hi nụ rime agịda ele badnụ whụya, neesi lụlo. “Jị bụ Nnwọ Chiokike.” Kọvu Jizọsi bigbọru be, o kwéle be kwu ọka, kwnornu nụ be magwụ nụ ya bụ Karaịsi wam.

Lukwu 8:24

Ele sno apna a vakwnusi a, kpatnenya a, kaa, “Nda-aị-kwu, mini neeri aị.” O lizọ, bigbọ ruwhere wam nụ abaka-mini wam, be whebi, ọhna dna bii.