Lukwu 4:18 - Tẹsitamenti Ikne n'Ọnu Ikwere

¹⁸ “Enine Nsọ Nyenwe aị zị n'ẹhni m, kwnornu nụ Chiokike aị teru m mọno, o zni ele mboni izi ọma. O ziyaru m ọ kpọ okwo ọgbahia ele zị n'ọro ikelu, mee ele isni whnụrnu ọsno, nụ ọ dọhia ele be neemegbu,

Lukwu 4:18 Iomraidhean Croise

Matiyu 11:5

ele isni nọowhnu ọsno, ele mgwọro neezne izne, be neeme ele nchnịchna be zịri rịchna, ele nsnị ịnyo nọonu nhne, ele nwụrnu ọnwu lizọru n'ẹnwu, be neezni ele mboni izi ọma.

Matiyu 12:18

“Le, ka bụ nye izi m me họhiaru, nye me whnụrnu n'anya, nye nhne a nọoso m. M jeeyisi Enine m nụ rime a. Ọ jọokpo okwo ikpe zị snam nụ kpakara mba.

Matiyu 12:20

Ọ jáagbaji ekere achara hịpiagwu ẹhipia, mọbu whụsnime tọnji nọohio rụnwurnu, tem o mee ikpe zị snam megbu.

Matiyu 4:16

Ele wu n'ọchichiri whnụnam agịda iwhne, ele wu n'ẹli ẹnwu kpusnigwu bụ ele iwhne nọomukwasi.”

Matiyu 5:3

“Ọwa ọma zịnu ele mboni nụ mkpọma, kwnornu nụ ẹli-eze Chiokike bụ ke be.

Lukwu 4:17

Be nyee a ọkwukwo Azaya nye ọwhnurninya, o kpume a whnụ hne be gbarụ,

Lukwu 6:20

Jizọsi gwelizọ anya a olu le ele sno apna a, kaa, “Ọwa ọma zịnu anụ ele mboni, kwnornu nụ anụ jeenwe ẹli-eze Chiokike.

Lukwu 7:22

Ọ sarụ ele izi wam, “Anụ lahna kanụ Jọni kpakara nhne anụ whnụrnu nụ ke anụ nụrnu. Ele isni whnụrnu ọsno, ele mgwọro znernu izne, be neeme ele nchnịchna zịri rịchna, ele nsnị ịnyo nọonu nhne, ele nwụrnu ọnwu lizọru n'ẹnwu, be neezni ele mboni izi ọma.

Jọni 1:41

Ngangam, o piohịaru nwene a rukna, Saịmoni, ọ kanụ a, “A whnụna m Mezaya” (ke bụ Karaịsi).

Jọni 12:46

M varụ m n'ọwa lele iwhne, ma nye ọbula ke jeekweru nụ me jáadazịgidne n'ọchichiri.

Jọni 3:34

Nye Chiokike ziyaru nookwu ikwu-ọnu Chiokike, kwnornu nụ Chiokike nyéne a Enine a n'apna zị matị.

Ẹrnu Ele Izi 10:38

Anụ magwụ masị nhne gbasịri Jizọsi nye Nazarẹti, kpa Chiokike nyernu a Enine Nsọ nụ rikne. O znegharịri nụ rime kpakara ẹli neeme nhne ọma, nọogwo kpakara ele rẹnwu ọjo nwụgwu, kwnornu nụ Chiokike dagwụnu a.

Ẹrnu Ele Izi 26:18

M jeezizne i ma i kpume anya be, mee be hi n'ọchichiri bna n'iwhne, hite nụ rikne Ekwensu tụhnasna hne Chiokike zị. Ngam, Chiokike jaagbarụnu be mmehie be, ma be nwehịa oghere n'esilawụru ele Chiokike bịtaru nsọ hite n'ọkwnata ovu nụ me.’

Ẹrnu Ele Izi 4:26

Ele eze k'ọwa ka gwuzoru be nụ ele nẹechi ẹchi, gba iznuznu megidne Nyenwe aị megidne nye ke a o teru mọno.’

Ẹrnu Ele Izi 4:27

N'ezi ọka, Erọdu nụ Pọntiosi Paịleti gbakọru n'otu n'ẹli ka, be nụ ele bụ́o ele Ju nụ ele Izirẹli, megidne Nnwọ nsọ ị Jizọsi, nye i teru mọno.

Ele Kọlosi 1:13

Kwnornu nụ Chiokike dọhiaru aị n'aka nye wam nẹechi nụ rime ọchichiri, kwubnanya aị n'ẹli-eze ke Nnwọ a, nye ọ whnụrnu n'anya.

Jemisi 2:5

Anụ bnote nsnị, rụmu nda m me whnụrnu n'anya, Chiokike họrulam ele mboni ke ọwa ka, mee be bụru ele kwu n'ọkwnata ovu be, be bụru masị ele o jeenye ẹli-eze wam o kweru ele whnụrnu a n'anya mkwna.

1 Pita 2:9

Kọvu anụ bụ ele Chiokike jiri aka a họhia, ele arịohna ke eze, mbam ke zị nsọ, ele ke Chiokike, ma anụ gesi ọznarni nye wam sukwuru anụ hite nụ rime ọchichiri bna nụ rime iwhne a zị igwugwu.