Lukwu 24:52 - Tẹsitamenti Ikne n'Ọnu Ikwere

⁵² Be kpọnu a risi ẹli, lahna Jerusẹlem, snarnịma jihịa mkpọma be.

Lukwu 24:52 Iomraidhean Croise

Matiyu 28:17

Nga be whnụrnu a, be kpọnu a risi ẹli, kọvu agwna be nwernu mkpọma lawụru.

Matiyu 28:9

Jizọsi kwnusiri be kpa be neezne n'apna, ọ kanụ be, “M bekwulem anụ.” Be bna a n'ọchi lawụru, kpọnu a risi ẹli.

Lukwu 24:51

Kpa ọ zị nọogozi be, be gwelizọ a la n'oligwe.

Lukwu 24:53

Be dazịgidne n'Ọro Nsọ Chiokike nọotunu Chiokike mmamma.

Jọni 14:28

“Anụ nụrnu kpa me karụ nụ m jaala, kọvu m jeehiehnakwnusi anụ. Ọ bụru nụ anụ whnụrnu m n'anya, anụ znernu ọnwudna, kwnornu nụ m naalakwnusi Nda m, kwnornu nụ Nda m kakwo m.

Jọni 16:22

Kpam masị, anụ nwernu nhne igbugbu kịtna, kọvu m jọowhnu anụ anya berere, anụ jeenwe snarnịma, ọ zá nye jeenwe rikne nahọru anụ ovu ọso n'ọnu anụ.

Jọni 16:7

Kọvu me kanụ anụ ezi ọka, ọ kanụ anụ mma me lahna, kwnornu nụ ọ bụru m láge m, Nye Ọkasi Mkpọma wam jáavakwnusi anụ. Kọvu me la, m jeeziyanu anụ ya.

Jọni 20:28

Tọmosi sarụ a, “Nyenwe m nụ Chiokike m.”

Ẹrnu Ele Izi 1:12

Ele izi wam lahna Jerusẹlem hite nụ Rugwu Olivu, nhne nụ lele izne otu Ọbochi Ozukwa Inwe.

1 Pita 1:8

Nye anụ whnụrnu n'anya, ọ bụ n'ezi nụ anụ jíle anya anụ lawụru whnụ a, anụ kweru nụ ya, ọ bụ n'ezi nụ anụ jíle anya anụ lawụru whnụ a kịtna. Kam kpayarụ anụ nwernu snarnịma k'agịda ke ọnu jọ́okowali.