Lukwu 24:48 - Tẹsitamenti Ikne n'Ọnu Ikwere

⁴⁸ Anụ bụ ele akebne kpakara nhne ka.

Lukwu 24:48 Iomraidhean Croise

Jọni 15:27

Anụ jọobu masị ele akebne m kwnornu nụ me nụ anụ zị hite n'ọpanizo.

Ẹrnu Ele Izi 1:22

hite n'ọwu mini Jọni dụ nga Jizọsi larụ n'oligwe. Nye wam jọoburu nye joosno aị gba akebne nụ Jizọsi hiri n'ẹnwu lizọ.”

Ẹrnu Ele Izi 1:8

Kọvu nụ anụ jaanahịa rikne nga Enine Nsọ wam dnakwasịri anụ, anụ jọobu ele akebne m nụ rime Jerusẹlem, ma nụ kpakara Judiya, nụ Sameria nụ hne ọwa sọtoru.”

Ẹrnu Ele Izi 10:39

“A bụ ele akebne kpakara nhne o mernu n'ẹli ele Ju ma nụ rime Jerusẹlem. Be kpọgidne a n'ọgba, gbu a.

Ẹrnu Ele Izi 10:41

Ọ bụ́o kpakara ele badnụ whnụrnu a, kọvu ọ bụ aịwa ele akebne Chiokike họhiaru. Aị nụ a snornu ri wiri, nwọ mini nga o hiri n'ẹnwu lizọ.

Ẹrnu Ele Izi 13:31

O mernu ele snornu a hi nụ Galili va Jerusẹlem whnụ a anya. Be bụ ele akebne nyee ele Izirẹli.

Ẹrnu Ele Izi 2:32

Chiokike mernu Jizọsi ka hi n'ẹnwu lizọ. A bụ ele akebne ezi ọka ka.

Ẹrnu Ele Izi 22:15

Ị jọobu nye akebne a, ma ị kanụ ele badnụ nhne i whnụrnu nụ nhne ị nụrnu.

Ẹrnu Ele Izi 3:15

Anụ gburu nye nwe bụdnu. Kọvu Chiokike mernu o hi n'ẹnwu lizọ, a bụ ele akebne a.

Ẹrnu Ele Izi 4:33

Ele izi wam ji ọnu rikne naagba akebne olizọ n'ẹnwu Nyenwe aị Jizọsi. Chiokike tụkwasinu be agịda oru.

Ẹrnu Ele Izi 5:32

A bụ ele akebne nhne ele ka, ma Enine Nsọ, ke bụ nkesi Chiokike nyernu ele noobnonu a nsnị.”

1 Pita 5:1

M naarịasno ele okno badnụ zị n'esilawụru anụ hne me bụ masị nye okno badnụ, m whnụrnu m awhnụwhnu Karaịsi tarụ, m jeekehịa masị igwugwu a nga be jookpume a.