Lukwu 23:26 - Tẹsitamenti Ikne n'Ọnu Ikwere

²⁶ Be duru Jizọsi zne, n'apna be sigidne Saịmoni nye Sirini, nye hi n'aznụ mba naabnanya, be vukwasị a ọgba, ma o vuru a snornu Jizọsi n'aznụ.

Lukwu 23:26 Iomraidhean Croise

Matiyu 5:41

Nye ọbula ke jeeme i ma i zne otu maịli, snornu a zne maịli lawụru.

Lukwu 14:27

Nye ọbula ke vúrule ọgba a sno m, jọ́obuli nye sno apna m.

Lukwu 23:25

Ọ sịgbasinu be nye wam zị n'ọro ikelu nye megidnernu ele nẹechi ẹchi, gbu masị badnụ, nye be rịoru a. O gweru Jizọsi nyewhete be.

Lukwu 9:23

Ọ kanụ kpakara be, “Ọ bụru nụ nye ọbula joosno m n'aznụ, o jọoju ẹhni a, vuru ọgba a kpakara ọbochi sno m.

Ẹrnu Ele Izi 13:1

N'ọgbako Chiokike ke zị nụ Antịoku, ele neezni nhne nụ ele ọwhnurninya zị, Banabasị, Simiọni nye be kwu Naịja, Lusọsi nye Sirini nụ Mane, nye ya nụ Eze Erọdu soru, nụ Sọlu.

Ẹrnu Ele Izi 2:10

ele hi nụ Firigia nụ Pamfilia, ele hi nụ Ijipiti nụ ele hi agwna ẹli Libiya ke zị Sirini ndụndu, nụ agwna ele hi nụ Rom,

Ẹrnu Ele Izi 6:6

Be gwuzote be nụ ruwhnu ele izi, be kpe okpukpe tụkwasi be aka.

Ẹrnu Ele Izi 6:9

Kọvu nụ agwna ele zị n'ọro ọgbako ele Ju, ele be kwu Ele Nwernu Ẹhni be, nụ ele Ju hiri nụ Sirini nụ Alẹkizandaria, lizọru megidne a. Be nụ ele Ju hi nụ Silisia nụ Esia nụ Sitivini bete neesigha ọka.