Lukwu 21:25 - Tẹsitamenti Ikne n'Ọnu Ikwere

²⁵ “Nhne elekema jaazị n'ẹhnam nụ ẹnwa nụ mbọ. N'ọwa mkpọma ọla mini jaazị n'esilawụru kpakara mba, be jọotu ogwnu abaka-mini nụ ruwhere osimini.

Lukwu 21:25 Iomraidhean Croise

Matiyu 24:29

“Wara wara mmekpẹhni ka whemernu n'ọbochi wam, ẹhnam jaagba ọchichiri, ẹnwa jéenye iwhne a, mbọ ke oligwe jaadna, kpakara iknernema ke oligwe joohnio ohnio.

Matiyu 27:45

Hite n'esilawụru iwhnehnie, ọchichiri gbasnirni kpakara ẹli wam dụ n'ọtnu-ige ke ẹto.

Makị 13:24

“N'ige wam, nga mmekpẹhni wam whemernu, ‘Ẹhnam jaagba ọchichiri, ẹnwa jéenye iwhne a,

Makị 13:26

“N'ige wam be jọowhnu Nnwọ ke Badnụ hne ọ naava n'okne iknernema nụ igwugwu.

Makị 15:33

Hite n'esilawụru iwhnehnie, ọchichiri gbasnirni kpakara ẹli wam dụ n'ọtnu-ige ke ẹto.

Lukwu 21:24

Be jeegweru ama-ọgwnu gbu agwna badnụ, be jọodoru ele berere lele ele ikelu zne kpakara mba. Ele bụ́o ele Ju jọozodna Jerusẹlem tem ige be zu.

Lukwu 21:26

Ele badnụ jọotubo kwnornu ogwnu nụ nhne be nọowhnu jeeme n'ọwa, kwnornu nụ kpakara iknernema ke oligwe joohnio ohnio.

Ẹrnu Ele Izi 2:19

M jeegesi ẹrnu ndu-ẹhni n'oligwe nụ nhne elekema n'ọwa nụ mkpururu oligwe, ọvnarna nụ bẹkwnu nụ okne rụnwurnu bẹkwnu.

Okpume 20:11

M whnụ otu ngadna eze abọchna okpotokpo, nụ nye dazị n'olu a, ọwa nụ oligwe gbawhuru nụ ruwhnu a, be whnụ́na be berere.