Lukwu 2:21 - Tẹsitamenti Ikne n'Ọnu Ikwere

²¹ N'ọbochi ẹsato, be va ọ kpa nnwọ wam nka, be jịta rẹwhna a Jizọsi, bụ rẹwhna enine izi wam kwuru a sụ be tụru rime a.

Lukwu 2:21 Iomraidhean Croise

Matiyu 1:21

Ọ jọomuhia nnwọ rukna, i jookwu a Jizọsi, kwnornu nụ o jọoznohia ele ke a nụ kpakara mmehie be.”

Matiyu 1:25

Kọvu ya nụ a dnányina dụ nga ọ mụhiaru nnwọ rukna, ọ jịta rẹwhna a Jizọsi.

Matiyu 3:15

Jizọsi kanụ a, “Gharụ a kpam kịtna, kwnornu nụ ọ bụru ọma kpam ma a mezu kpakara nhne bụru ọma n'omume.” Jọni gharụ a.

Lukwu 1:31

Ị jọotu rime, mụhia nnwọ rukna, ị jookwu a Jizọsi.

Lukwu 1:59

Ọ dụ n'ọbochi ẹsato, be varụ ọ kpa nnwọ wam nka. Be noopio ọ jịta a rẹwhna Zakaraya ma ọ bụru ogbo nda a,

Ele Filipaị 2:8

Ọ whụya iwhne lele badnụ etekne, o gwedna ẹhni a ẹli, o bno nsnị dụ n'ẹnwu, bụ ẹnwu ke olu ọgba.