Lukwu 2:14 - Tẹsitamenti Ikne n'Ọnu Ikwere

¹⁴ “Ọson'anya dum bụru ke Chiokike nụ hne kakwo n'olu, udno zịri n'ọwa n'esilawụru ele nhne be naamasị a.”

Lukwu 2:14 Iomraidhean Croise

Matiyu 21:9

Igbudu badnụ ele neezne nụ ruwhnu a nụ ele snogwu a, neesi lụlo, naakaa, “Ozana zịnu Nnwọ Devidi! Chiokike gọzi nye naava nụ rẹwhna Nyenwe aị, Ozana nụ hne kakwo n'olu.”

Lukwu 1:79

iwhne jọomukwasi ele zị n'ọchichiri nụ ele zị n'oyinyo ke ẹnwu, noodumakọ ọchi aị n'apna udno.”

Lukwu 19:38

Be naakaa, “Chiokike gọzi eze ke naava nụ rẹwhna Nyenwe aị, Udno n'oligwe, ọznarni zịnu Chiokike nụ hne kakwo n'olu.”

Lukwu 2:13

Ngangam, agịda ele enine izi whụyaru snornu enine izi wam naaznarnị Chiokike, naakaa,

Lukwu 2:15

Nga ele enine izi wam lahnarnụ oligwe, ele nọoznu atnụrnu wam kanụ ẹhni be, “Anụ va ma a zne Bẹtilehem whnụ nhne mernu ke Nyenwe aị kannụ aị.”

Lukwu 3:22

Enine Nsọ whekwasịri a lele nduru, otu akpịri hiri n'oligwe dna kaa, “Jị bụ Nnwọ m, me whnụrnu n'anya, nhne i masịri m.”

Jọni 14:27

M nẹesigbasinu anụ udno, m neenye anụ udno m, ọ bụ́o lele kpa ọwa neenye bụ kpa me neenye anụ. Mkpọma lákwadia anụ mini. Anụ tụ́ko ogwnu.

Jọni 17:4

M nyernu m ị igwugwu n'ọwa hite n'ọrnukpa ẹrnu i nyernu m me rnụ.

Jọni 3:16

Kwnornu nụ Chiokike whnụrnu ọwa n'anya kpa, o gweru Nnwọ ọ mụrnu ya nụ nsnụnu a kpọi nyega, ma nye ọbula ke kweru nụ ya jọ́onwu ẹnwu, kọvu o jeenwe bụdnu kwó okwo.

Ẹrnu Ele Izi 10:36

Anụ magwụ izi Chiokike ziznenu ele Izirẹli, nọokpo okwo izi ọma udno hite nụ Jizọsi Karaịsi, nye bụ Nyenwe kpakara badnụ.

Ele Rom 5:1

Kịtna, hne Chiokike gwnụrnu aị lele ele ikpe mána hite n'ọkwnata ovu, a nwernu udno nụ Chiokike hite n'aka Nyenwe aị Jizọsi Karaịsi.

Ele Efesọsi 1:6

Ngwa ma a ja Chiokike kwnornu agịda oru a ke o nyernu aị etekne hite nụ Nnwọ a ọ whnụrnu n'anya.

Ele Efesọsi 1:9

Chiokike mernu a mahịa nhne miri emi ke echiche a lele kpa o jiri masị a hite nụ Karaịsi. Ọ marnụ mmụma

Ele Efesọsi 2:4

Kọvu Chiokike bụ nye obirizi k'agịda. Ọwhnun'anya a zị agịda hne a zị.

Ele Efesọsi 2:7

Chiokike mernu ka ma kpakara ele badnụ mahịa n'ige vazne nụ ruwhnu ẹkwnu ke oru a ke nwée atụ ke o jiri ovu ọma a gesi aị nụ rime Karaịsi Jizọsi.

Ele Filipaị 2:11

kpakara riro jookwuhịa nụ Jizọsi Karaịsi bụ Nyenwe aị, ma be nyee Chiokike Nda igwugwu.

Ele Filipaị 2:13

Kwnornu nụ ọ bụ Chiokike nye nọornu ẹrnu nụ rime anụ, nye neeme anụ kweru hite nụ mkpọma anụ, neeme nhne lele kpa echiche a jiri zị.

Ele Kọlosi 1:20

O mernu ka ma ya nụ kpakara nhne zịri n'udno, ma nhne ke zị n'ọwa ma nhne ke zị n'oligwe, ma ya nụ be mee udno hite n'ọvnarna a ke ọ wụsaru n'olu ọgba.

2 Ele Tẹsalonika 2:16

Kịtna, Nyenwe aị Jizọsi Karaịsi n'iwhuru a nụ Chiokike Nda aị, nye whnụrnu aị n'anya, hite n'oru o nyernu aị nụ olile anya bụru ọma, mee a gwuzosi rikne,

Okpume 5:13

M nụrnu m hne kpakara nhne zị bụdnu zị n'oligwe, n'ọwa, nụ mkpururu ọwa, kpakara nhne zị bụdnu ke zị n'okno osimini nụ kpakara nhne zị nụ rime be, naakaa, “Ọznarni nụ ọson'anya nụ igwugwu nụ rikne zịnu nye wam dazị nụ ngadna eze, ya nụ Nnwọ Atnụrnu wam tim tọm.”