Lukwu 19:26 - Tẹsitamenti Ikne n'Ọnu Ikwere

²⁶ “Ọ sarụ be, ‘Me kanụ anụ, nye ọbula ke nwernu be jeenye a, o nwehnasiru, kọvu nye ke nwée, be jaanahọru a ọ bụbedi ke o nwernu.

Lukwu 19:26 Iomraidhean Croise

Matiyu 13:12

Nye ọbula ke nwernu nhne, be jeenye hnasị a, o jeenwe agịda nhne, kọvu nye ke nwée, be jaanahọru a ọ bụbedi ke o nwernu.

Matiyu 21:43

“Me naakanụ anụ nụ be jaanahọru anụ ẹli-eze Chiokike, nyewhete ele berere ke jaamị mkpụru a. [

Makị 4:25

Nye nwernu nhne bụ nye be jeenye, nye nwée, be jaanahọru a, ọ bụbedi ke o nwernu.”

Lukwu 16:3

“Nye neelekọta wam kanụ ẹhni a, ‘Kịni bụ nhne me jeeme? Nda m kwu neegweme m n'ẹrnu. M nwée m iknernema me jeeji rnụ ẹrnu rikne, iwhnerne ọ bụ nye ọrio nọotu m.

Lukwu 19:25

“Be kanụ a, ‘Nda-aị-kwu, o nwernu nri.’

Lukwu 8:18

Kam kpayarụ, anya dụ anụ ẹli nhne anụ nọonu. Be jeenye nye ọbula ke nwernu, kọvu nye nwée, be jaanahọru a ọ bụbedi, ke ọ rịri nụ o nwernu.”

Ẹrnu Ele Izi 1:20

“Kwnornu nụ be gbarụ n'ọkwukwo Eri Ọma, ‘Ọro a dazịri etekne, ọ zá nye wu nụ rime a.’ Be gba kwno a nụ nhne berere, ‘Nye berere gweru ọnodi ẹrnu a.’

2 Jọni 1:8

Anụ ledu anya, ọ zị anụ tuwhu nhne anụ dọgburu ẹhni anụ n'ẹrnu, kọvu ma anụ nwehịa ọgwo ẹrnu zuru ozu.

Okpume 2:3

Anụ jiri ọsuta mkpọma nagidne awhnụwhnu anụ tarụ kwnornu rẹwhna m, anụ kwéle rikne gwụ anụ.

Okpume 3:11

Le, m vawa wara wara, anụ jidnesi nhne anụ ji rikne, ọ zị nye berere nahọru anụ okpu-eze anụ.