Lukwu 18:37 - Tẹsitamenti Ikne n'Ọnu Ikwere

³⁷ Be kanụ a, “Jizọsi nye Nazarẹti neewhe hna.”

Lukwu 18:37 Iomraidhean Croise

Matiyu 2:23

Be zne wuru n'ẹli matị be kwu Nazarẹti, ma nhne be kwuru hite n'ọnu nye ọwhnurninya mezu, “Be jookwu a nye Nazarẹti.”

Lukwu 18:36

Nga ọ nụrnu agịda badnụ neewhe, ọ sịkwa be nhne neeme.

Lukwu 18:38

O siwama lụlo, “Jizọsi, Nnwọ Devidi, dọnu m obirizi.”

Lukwu 2:51

Jizọsi snornu be la Nazarẹti, noobnonu be nsnị. Kọvu nne a bịtaru kpakara nhne ka nụ mkpọma a.

Jọni 1:45

Filipu pohịa Natanẹli, ọ kanụ a, “A whnụrnu nye wam Mozizi nụ ele ọwhnurninya gbarụ nhne gbasịri a n'ọkwukwo nsọ, Jizọsi nye Nazarẹti, nnwọ Josefu.”

Jọni 19:19

Paịleti gbasịri nhne be jọogwnu tụkwasi a n'olu ọgba a, “Jizọsi, nye Nazarẹti, Eze ele Ju.”

Ẹrnu Ele Izi 2:22

“Ele Izirẹli, anụ bnote nsnị n'ọka ka, Chiokike jiri kpakara ẹrnu ndu-ẹhni nụ nhne tụ n'anya nụ elekema ka n'esilawụru anụ gesi nụ ya ziyaru Jizọsi nye Nazarẹti. Kpakara anụ magwụ kpam.

Ẹrnu Ele Izi 4:10

Kpakara anụ ma kpakara ele Izirẹli mahịa, nụ nyerukna ka gwuzo hna nụ ruwhnu anụ n'ẹhni zuru ozu, bụ nye be gwọru hite nụ rikne ke zị nụ rẹwhna Jizọsi Karaịsi nye Nazarẹti. Anụ kpọgidnernu a n'ọgba, kọvu Chiokike mernu o hi n'ẹnwu lizọ.

2 Ele Kọriniti 6:2

Ka bụ nhne Chiokike kwuru, “M nụrnu m anụ n'ige o gesi anụ ruwhnu ọma, m yinu m anụ aka n'ọbochi ọznohia.” Anụ bno nsnị, kịtna bụ ige ọ nahọru ruwhnu ọma Chiokike, kịtna bụ ọbochi ọznohia.